കൊച്ചി: ഭാരതത്തിന്റെ കാര്ഷിക കയറ്റുമതി 2025-26 സാമ്പത്തിക വര്ഷം 52.55 ബില്യണ് യുഎസ് ഡോളറിന്റെ റിക്കാര്ഡ് നേട്ടത്തിലേക്ക് ഉയര്ന്നതായി കേന്ദ്ര വാണിജ്യ വകുപ്പ് ജോ. സെക്രട്ടറി ഉജ്ജ്വല് കുമാര് ഘോഷ്. 2014-15 സാമ്പത്തിക വര്ഷം ഇത് 32.08 ബില്യണ് യുഎസ് ഡോളര് മാത്രമായിരുന്നു.
കഴിഞ്ഞ പതിറ്റാണ്ടില് രാജ്യം കൈവരിച്ച സുപ്രധാന പരിവര്ത്തനത്തെയും സുസ്ഥിര പുരോഗതിയെയും പ്രതിഫലിപ്പിക്കുന്നതാണ് ഇതെന്ന് അദ്ദേഹം പറഞ്ഞു. വാണിജ്യ വ്യവസായ മന്ത്രാലയത്തിന് കീഴിലെ വാണിജ്യ വകുപ്പ് ദക്ഷിണ മേഖല പ്രതിനിധികളുമായി കൊച്ചിയില് നടത്തിയ സംവേദനാത്മക പരിപാടിയിലാണ് ഈ നേട്ടം എടുത്തുപറഞ്ഞത്.
മൂല്യവര്ദ്ധിത കാര്ഷികോത്പന്നങ്ങള്, സമുദ്രോത്പന്ന കയറ്റുമതി, സംസ്കരിച്ച ഭക്ഷ്യോത്പന്നങ്ങള് എന്നിവയിലുണ്ടായ വര്ദ്ധനയാണ് ഈ വളര്ച്ചയ്ക്ക് കാരണമായത്.
ഇത് രാജ്യത്തെ കാര്ഷിക കയറ്റുമതി വിപണിയുടെ വര്ദ്ധിച്ചുവരുന്ന ആഗോള മത്സരശേഷിയെയും വൈവിധ്യവത്ക്കരണത്തെയും പ്രതിഫലിപ്പിക്കുന്നുവെന്നും അദ്ദേഹം പറഞ്ഞു.
