ഗാസിയാബാദ് : ന്യായമായ കാരണമില്ലാതെ ഒരാളെ 24 മണിക്കൂറില്‍ കൂടുതല്‍ തടങ്കലില്‍ വച്ചാല്‍, പ്രതിദിനം 25,000 രൂപ നഷ്ടപരിഹാരം നല്‍കേണ്ടിവരുമെന്ന് അലഹബാദ് ഹൈക്കോടതി. ഉത്തരവാദികളാണെന്ന് കണ്ടെത്തിയാല്‍, മജിസ്ട്രേറ്റിന്റെയോ പോലീസ് ഉദ്യോഗസ്ഥന്റെയോ അല്ലെങ്കില്‍ രണ്ടുപേരുടെയുമോ ശമ്പളത്തില്‍ നിന്ന് ഈ തുക പിന്നീട് ഈടാക്കാമെന്ന് കോടതി പറഞ്ഞു.അച്ചടക്ക നടപടികളും സ്വീകരിക്കണം.
ബിഎന്‍എസ്എസ് അല്ലെങ്കില്‍ സിആര്‍പിസി പ്രകാരം കസ്റ്റഡിയിലെടുത്ത ഒരു വ്യക്തിയോട് വ്യക്തിഗത ജാമ്യം മാത്രമേ ആവശ്യപ്പെടാവൂ. വ്യക്തിഗത ജാമ്യത്തുക 20,000 കവിയാന്‍ പാടില്ല. വ്യക്തി വ്യക്തിപരമായ ജാമ്യത്തുക നല്‍കാന്‍ വിസമ്മതിച്ചാല്‍, അയാളെ ജയിലിലേക്ക് അയയ്‌ക്കുന്നതിന് മുമ്പ് ആ വിസമ്മതം രേഖപ്പെടുത്തണം എന്നീ നിര്‍ദേശങ്ങളും കോടതി മുന്നോട്ടുവച്ചു.
അഭിഭാഷകനായ ചന്ദര്‍ പാല്‍ സിങ്ങും ഭാര്യയും സമര്‍പ്പിച്ച ഹേബിയസ് കോര്‍പ്പസ് ഹര്‍ജിയിലാണ് ഈ നിര്‍ദേശങ്ങള്‍.
ഫെബ്രുവരി 22 ന് രാവിലെ 11 മണിയോടെ ടീലാമോദ് പോലീസ് തന്നെ കസ്റ്റഡിയിലെടുത്തുവെന്നും 24 മണിക്കൂറിനുള്ളില്‍ തന്നെ മജിസ്ട്രേറ്റിന് മുന്നില്‍ ഹാജരാക്കിയില്ലെന്നുമായിരുന്നു ഹര്‍ജിയില്‍ പറഞ്ഞിരുന്നത്. 50,000 രൂപയുടെ ബോണ്ട് നല്‍കിയിട്ടും ജയിലിലേക്ക് അയച്ചതായും അദ്ദേഹം ആരോപിച്ചു.
ന്യായമായ കാരണമില്ലാതെ അധിക തടങ്കല്‍ : മജിസ്ട്രേറ്റും പോലീസും നഷ്ടപരിഹാരം നല്‍കണമെന്ന് കോടതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.