ന്യൂയോര്ക്ക്: ലോകകപ്പ് പടിവാതില്ക്കലെത്തിനില്ക്കെ താരങ്ങളുടെ വാചക യുദ്ധങ്ങള്ക്ക് തീപടര്ന്നു. കുഞ്ഞന് താരങ്ങളില് സൂപ്പര് നിരയിലേക്കെത്തിയിട്ടുള്ള സ്പെയിന്റെ 18കാരന് ലാമിനെ യമാല് ആണ് ചെറിയ വായിലെ വലിയ വാചകവുമായി വാക് പോര് കളം വാണിരിക്കുന്നത്. ലോകം താങ്കളെ അടുത്ത മെസിയായാണ് വിലയിരുത്തുന്നതെന്ന അഭിപ്രായത്തോട് താരം പ്രതികരിക്കുകയായിരുന്നു.
ഞാന് അടുത്ത മെസിയല്ല, എനിക്ക് ഞാനായാല് മതി എന്നായിരുന്നു യമാല് പറഞ്ഞത്. എനിക്ക് ഓര്മ്മ വച്ച ശേഷമുള്ള മൂന്നാമത്തെ മാത്രം ലോകകപ്പ് ആണിത്. അതിന്റെ ഭാഗമാകാന് സാധിച്ചതിനെ വലിയ അത്ഭുതമായാണ് കരുതുന്നതെന്നും യമാല് പറഞ്ഞു. കടലായില് വലിയ വാര്ത്തകളുണ്ടാക്കുന്നതിലല്ല കളിച്ച് തെളിയിക്കുന്നതിലാണ് കാര്യമെന്ന് താരം പറഞ്ഞു. കഴിഞ്ഞ യൂറോയില് ഞങ്ങള് സാധ്യത കുറഞ്ഞവരായിരുന്നു. പക്ഷെ ജേതാക്കളായത് ഏത് ടീമാണെന്ന് മറക്കരുതെന്നും യമാല് ഓര്മ്മിപ്പിച്ചു.
