മുംബൈ: റാം ചരൺ നായകനായി ബുച്ചി ബാബു സന സംവിധാനം ചെയ്ത ‘പെഡ്ഡി’ (Peddi) എന്ന ചിത്രം ബോക്സ് ഓഫീസിൽ ₹100 കോടിയിലധികം നേടി മികച്ച ബോക്സോഫീസ് വിജയം നേടി. ആദ്യ ദിവസം തന്നെയാണ് 100 കോടി കളക്ട് ചെയ്തത്. നടൻ രാം ചരണിന്റെ താരമൂല്യവും ബുച്ചി ബാബു സനയുടെ സംവിധാനവും ബോക്സ് ഓഫീസിൽ ഈ ചിത്രത്തിന് വലിയൊരു ഓപ്പണിംഗ് നേടിക്കൊടുത്തു
ഒരു ഭാഗത്ത് വിജയഭേരി മുഴങ്ങുമ്പോള് തന്നെ മറുഭാഗത്ത് നായിക ജാൻവി കപൂറിന്റെ നായികാ കഥാപാത്രത്തെ അമിതമായി ലൈംഗികവൽക്കരിച്ചതിന്റെ പേരിൽ കനത്ത വിമർശനങ്ങളും വിവാദങ്ങളും നേരിടുകയാണ്. ചിത്രത്തിന്റെ പോസ്റ്ററുകളിലും ടീസറുകളിലും ജാൻവിയുടെ കഥാപാത്രത്തെ അമിതമായി ഗ്ലാമറൈസ് ചെയ്യുകയും വസ്തുവൽക്കരിക്കുകയും (objectification) ചെയ്തുവെന്ന തരത്തിലാണ് വിമര്ശനം. ഇതില് പെഡ്ഡി സിനിമയുടെ സംവിധായകൻ ബുച്ചി ബാബു സന പരസ്യമായി മാപ്പ് പറഞ്ഞിരുന്നു. .
എന്നാൽ ഈ വിഷയത്തിൽ നടിയെ മാത്രം കുറ്റപ്പെടുത്തുന്ന പ്രവണത ശരിയല്ലെന്ന് ചൂണ്ടിക്കാട്ടി സിനിമയുടെ മേക്കപ്പ് ആര്ടിസ്റ്റ് സവ്ലീൻ കൗർ രംഗത്ത് വന്നു. വ്യക്തമാക്കി. സിനിമയിൽ ഇത്തരം കാര്യങ്ങൾ ഇന്നും വിറ്റഴിക്കപ്പെടുമെന്ന് ചിന്തിക്കുന്ന അണിയറപ്രവർത്തകരെയാണ് യഥാർത്ഥത്തിൽ കുറ്റപ്പെടുത്തേണ്ടതെന്ന് അവർ പറഞ്ഞു. ഒരു കഥാപാത്രത്തെ എങ്ങനെ അവതരിപ്പിക്കണം, എന്ത് വസ്ത്രം ധരിക്കണം എന്നത് പൂർണ്ണമായും സംവിധായകന്റെയും നിർമ്മാതാക്കളുടെയും തീരുമാനമാണ്.
