മേടക്കൂറ്: അശ്വതി, ഭരണി, കാര്ത്തിക (1/4)
സര്ക്കാര് ആനുകൂല്യങ്ങള് ലഭിക്കും. രോഗികള്ക്ക് ആശ്വാസം ലഭിക്കും. വിദ്യാഭ്യാസത്തിലുയര്ച്ചയുണ്ടാകും. ഊഹക്കച്ചവടത്തില് ആദായമുണ്ടാകും. ടെസ്റ്റുകളിലും ഇന്റര്വ്യൂകളിലും വിജയിക്കും. കേസുകളിലും മറ്റും അനുകൂല വിജയമുണ്ടാകും. വീട്ടില് ചില മംഗളകാര്യങ്ങള് നടക്കാനിടയുണ്ട്.
ഇടവക്കൂറ്: കാര്ത്തിക (3/4), രോഹിണി, മകയിരം (1/2)
കുടുംബാംഗങ്ങളുമായി ബന്ധം കൂടുതല് സുദൃഢമാകും. ക്രയവിക്രയങ്ങളില്നിന്ന് ആദായമുണ്ടാകും. വീട്ടില് ചില അനിഷ്ട സംഭവങ്ങള് നടക്കാനിടയുണ്ട്. ഉന്നത വ്യക്തികളുടെ ഇടപെടല് കാരണം മനഃസുഖം അല്പ്പം കുറയും. രോഗികള്ക്ക് ആശ്വാസം ലഭിക്കും. സഹനശക്തി കുറയും. വീടുവിട്ട് താമസിക്കേണ്ടിവരും.
മിഥുനക്കൂറ്: മകയിരം (1/2), തിരുവാതിര, പുണര്തം (3/4)
സ്വതസിദ്ധമായ സാമര്ത്ഥ്യം മുഖേന പലവിധ നേട്ടങ്ങളും ഉണ്ടാകും. റോയല്റ്റി വകയില് കിട്ടേണ്ട തുക കൈയില് വന്നുചേരും. ഏത് കാര്യത്തിലിടപെടുമ്പോഴും തടസ്സങ്ങളുണ്ടാകും. കൈക്കൂലി കണ്ടുപിടിച്ച് ശാസനയ്ക്ക് വിധേയനാകും.
കര്ക്കടകക്കൂറ്: പുണര്തം (1/4), പൂയം, ആയില്യം
പലതരം ആഘോഷങ്ങളിലും ഉത്സവങ്ങളിലും പങ്കുചേരും. ഏജന്സി ഏര്പ്പാടുകളില് ലാഭം കുറഞ്ഞു വരും. ഊമക്കത്തുകളും വാറോലകളും ഭയപ്പെടണം. പൂര്വിക സ്വത്തിന്റെ രേഖകളെച്ചൊല്ലി പ്രശ്നങ്ങള് ഉണ്ടായേക്കാം. പണി ചെയ്തുവരുന്ന ഗൃഹം വാങ്ങുവാന് തയാറാകും.
ചിങ്ങക്കൂറ്: മകം, പൂരം, ഉത്രം (1/4)
പുതിയ ചില കരാറുകളില് ഒപ്പിടേണ്ടിവരും. ആശുപത്രിവാസത്തിനുള്ള യോഗമുണ്ട്. പുരാവസ്തു ശേഖരിക്കുന്നതില് താല്പ്പര്യം പ്രകടിപ്പിച്ചേക്കും. പുതിയ വാഹനം, ഭൂമി, പൂര്വിക സ്വത്ത് എന്നിവയില് ഏതെങ്കിലും അധീനതയില് വന്നുചേരും. സല്കര്മങ്ങള്ക്കായി പണം ചെലവഴിക്കും. സ്ഥാനമാറ്റം ലഭിക്കും.
കന്നിക്കൂറ്: ഉത്രം (3/4), അത്തം, ചിത്തിര (1/2)
ഉദ്യോഗത്തില് പ്രമോഷന് ലഭിക്കും. സമ്പത്തും സുഖവും വര്ധിക്കും. ആലോചനാപൂര്വമല്ലാത്ത പ്രവര്ത്തനങ്ങള് മുഖേന വിഷമതകള് ക്ഷണിച്ചുവരുത്തരുത്. പുണ്യസ്ഥലങ്ങള് സന്ദര്ശിക്കും. ഉദ്യോഗത്തില് സ്ഥലമാറ്റമുണ്ടാകും. സര്ക്കാര് ആനുകൂല്യങ്ങള് ലഭിക്കും. കിട്ടാനുള്ള പണം തിരിച്ചുകിട്ടും.
തുലാക്കൂറ്: ചിത്തിര (1/2), ചോതി, വിശാഖം (3/4)
പുതിയ ബിസിനസ് ആരംഭിക്കുന്നതിനുള്ള പ്രവര്ത്തനം തുടങ്ങും. പല മേഖലകളിലും മധ്യസ്ഥന്റെ മാര്ഗം സ്വീകരിക്കും. തെരഞ്ഞെടുപ്പ് ഫലങ്ങള് അനുകൂലമാകും, സൗന്ദര്യവസ്തുക്കളുടെ വില്പ്പനയില് നിന്ന് ആദായമുണ്ടാകും. വിദേശത്തുള്ളവര്ക്ക് ജോലിയില് ചില ബുദ്ധിമുട്ടുകള് അനുഭവിക്കാനിടവരും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
ഗൃഹത്തില് സമാധാനം കൂടും; രോഗികള്ക്ക് ആശ്വാസം ലഭിക്കും. തറവാട്ടു സംബന്ധമായ പ്രശ്നങ്ങളിലും മറ്റും അവനവന്റെ അഭിപ്രായം അംഗീകരിക്കപ്പെടും. വാഹനങ്ങള് മാറ്റി വാങ്ങും. ശ്വാസകോശ സംബന്ധമായ രോഗങ്ങള് പിടിപെടും. മുന്പത്തെക്കാളധികം മതവിശ്വാസവും ദൈവവിശ്വാസവും പ്രദര്ശിപ്പിക്കും.
ധനുക്കൂറ്: മൂലം, പൂരാടം, ഉത്രാടം (1/4)
ഭാഗ്യാന്വേഷികള്ക്ക് ഭാഗ്യദേവത കടാക്ഷിക്കാനിടയുണ്ട്. ഭാര്യയുമായി പിരിഞ്ഞ് നില്ക്കേണ്ട സാധ്യതയുണ്ട്. നികുതിവകയിലും വരുമാനം ഉണ്ടാകും. വ്യാപാരത്തില് പൂര്വാധികം വരുമാനമുണ്ടാകും. കുടുംബത്തില് സുഖവും സമാധാനവും നിലനില്ക്കും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
കടംകൊടുത്ത പണം പലിശയോടെ തിരിച്ചുകിട്ടും. സമ്മാനങ്ങള് ലഭിക്കാനിടയുണ്ട്. മാനസിക ശാരീരിക ആരോഗ്യം മെച്ചപ്പെടും. സാമ്പത്തിക നേട്ടത്തിനായി അധ്വാനിച്ച് പ്രവര്ത്തിക്കും. പിതൃസ്വത്ത് അനുഭവയോഗ്യമാകും. ജോലിയില്നിന്ന് പിരിച്ചുവിടലിനെതിരെ കേസ് കൊടുക്കേണ്ട സ്ഥിതിയുണ്ടാകും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
ഉദ്യോഗത്തില് സ്ഥലമാറ്റത്തിന് സാധ്യതയുണ്ട്. സുഖഭോഗങ്ങള്ക്കും വിനോദയാത്രകള്ക്കും ധാരാളം പണം ചെലവഴിക്കും. ഗൃഹാന്തരീക്ഷം ആനന്ദപ്രദമായിരിക്കും. സുഹൃത്തുക്കളില്നിന്നും സഹോദരങ്ങളില്നിന്നും അഭിപ്രായവ്യത്യാസങ്ങള് വന്നുപെട്ടേക്കും. അനാവശ്യ ചിന്തകള് മനസ്സിനെ അലട്ടും.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
വ്യവഹാരത്തിലും തെരഞ്ഞെടുപ്പുകളിലും വിജയം കൈവരിക്കും. യുവജനങ്ങളുടെ വിവാഹകാര്യത്തില് തീരുമാനമുണ്ടാകും. ഉദ്യോഗത്തില് പ്രമോഷനോടുകൂടിയുള്ള സ്ഥലമാറ്റമുണ്ടാകും. കോടതി മുഖാന്തരമുള്ള കേസുകളില് അപ്പീല് പോകേണ്ടതായി വന്നേക്കും. മകന്റെ ജോലിക്കുവേണ്ടി യത്നിക്കും.
