കോഴിക്കോട്: മെഡിക്കല് കോളേജ് ആശുപത്രിയില് വീണ്ടും ചികിത്സ പിഴവെന്ന് പരാതി. പ്രസവ സമയത്ത് കുഞ്ഞിനെ പുറത്തെടുക്കവെ, കുഞ്ഞിന്റെ കയ്യൊടിഞ്ഞെന്നാണ് ആരോപണം. മാതാപിതാക്കളെ കാണിക്കും മുമ്പേ പ്ലാസ്റ്റര് ഇട്ടുവെന്നും വീട്ടുകാര് പറഞ്ഞു.
മേയ് 14ാം തിയതിയായിരുന്നു പ്രസവം നടന്നത്.കുഞ്ഞിനെ പുറത്തേക്ക് എടുക്കുമ്പോള് ഉണ്ടായ പിഴവാണ് കൈയിലെ എല്ല് പൊട്ടാനിടയാക്കിയത്. ഷോള്ഡര് എന്ന് പറഞ്ഞുകൊണ്ടാണ് കുട്ടിയെ പുറത്തെടുത്തത്. കുഞ്ഞിന് എന്ത് പറ്റിയതാണെന്ന് തനിക്ക് അറിയില്ലായിരുന്നു. പീഡിയാട്രിക് ഡോക്ടറുടെയടുത്തേക്കാണ് അവര് നേരെ കുട്ടിയെ കൊണ്ടുപോയത്. അടുത്ത ദിവസമാണ് താന് കുഞ്ഞിനെ കാണുന്നത്. കൈയില് പ്ലാസ്റ്ററിട്ടത് അപ്പോഴാണ് കണ്ടത്. പരാതിയുമായി മുന്നോട്ട് പോകും- അമ്മ പറഞ്ഞു.
പരാതി പരിശോധിക്കുമെന്ന് ആശുപത്രി അധികൃതര് പറഞ്ഞു. മെഡിക്കല് കോളേജ് പൊലീസ് പ്രാഥമിക അന്വേഷണം തുടങ്ങി.
