പത്തനംതിട്ട: പശ്ചിമഘട്ടത്തില് കണ്ടെത്തിയ പുതിയ ഗ്രീന് ആല്ഗ സ്പീഷീസിന് ഭാരത ബഹിരാകാശ സഞ്ചാരിയും വ്യോമസേനാ ഗ്രൂപ്പ് ക്യാപ്റ്റനുമായ ശുഭാംശു ശുക്ലയുടെ പേര് നല്കിയത് ദേശീയ ശ്രദ്ധ നേടുന്നു. ഇന്ത്യയില് ആദ്യമായി റിപ്പോര്ട്ട് ചെയ്യപ്പെടുന്ന ഇന്റര്ഫിലം ജനുസിലെ ആല്ഗയായാണ് ഇതിനെ ശാസ്ത്രലോകം വിലയിരുത്തുന്നത്.
പത്തനംതിട്ട കാതോലിക്കേറ്റ് കോളജ് ബോട്ടണി വിഭാഗത്തിലെ ഫൈക്കോ ടെക്നോളജി ലബോറട്ടറിയില് നടന്ന ഗവേഷണത്തിന്റെ ഭാഗമായാണ് പുതിയ ആല്ഗയുടെ കണ്ടെത്തല്. കൊല്ലം ജില്ലയിലെ കുംഭാവുരുട്ടി വനമേഖലയില് നിന്നു ശേഖരിച്ച മണ്ണ് സാമ്പിളുകളില് നിന്നാണ് ഗവേഷകര് ഈ പുതിയ സൂക്ഷ്മ ഗ്രീന് ആല്ഗയെ തിരിച്ചറിഞ്ഞത്. ഗവേഷകയായ മെറിന് ഗ്രേസ് ജിജി, കാതോലിക്കേറ്റ് കോളജ് ബോട്ടണി വിഭാഗം മേധാവി ബിനോയ് ടി തോമസിന്റെയും ഡോ വി പി. തോമസിന്റെയും മാര്ഗനിര്ദേശത്തില് നടത്തിയ പഠനഫലങ്ങളാണ് ദേശീയ ശ്രദ്ധ നേടുന്നത്.
സ്പ്രിംഗര് നേച്ചര് പ്രസിദ്ധീകരിക്കുന്ന ജേര്ണലില് ഇതു സംബന്ധിച്ച പഠനവും പ്രസിദ്ധീകരിച്ചു. ഈ കണ്ടെത്തല് പശ്ചിമഘട്ടത്തിന്റെ ഇതേവരെ പൂര്ണമായി കണ്ടെത്താത്ത സൂക്ഷ്മ ജൈവവൈവിധ്യ സമ്പഗ ഗവേഷണത്തിനുള്ള അപൂര്വ ഭണ്ഡാരമാണെന്ന് തെളിയിക്കുന്നതായും ശാസ്ത്രലോകം വിലയിരുത്തുന്നു. പുതിയ സ്പീഷീസിന് ശുഭാംശു ശുക്ലയുടെ പേര് നല്കിയതിനു പിന്നില് ശാസ്ത്രപരമായ വലിയ സന്ദേശമുണ്ടെന്ന് ഗവേഷത്തിന്റെ തെളിവുകൂടിയാണിത്. നേരത്തെയും ഇതേ ഗവേഷകസംഘം പുതിയ ആല്ഗ പീഷീസ് കണ്ടെത്തിയിരുന്നു.
തുടര്ച്ചയായ ഇത്തരം കണ്ടെത്തലുകള് കേരളത്തിന്റെ വനമേഖലകള് മൈക്രോ ആല്കര് പറയുന്നു. ഭാവിയിലെ ദീര്ഘകാല ബഹിരാകാശ യാത്രകളില് ജീവന് നിലനിര്ത്താന് ആവശ്യമായ ഓക്സിജന് ഉത്പാദനം, കാര്ബണ് ഡൈ ഓക്സൈഡ് നിയന്ത്രണം, ഭക്ഷ്യ ഉത്പാദനം, ജൈവ പുനരുപയോഗ സംവിധാനങ്ങള് എന്നിവയില് ആല്ഗകള്ക്ക് നിര്ണായക പങ്ക് വഹിക്കാന് കഴിയുമെന്നാണ് ശാസ്ത്രലോകം പ്രതീക്ഷിക്കുന്നത്. അതുകൊണ്ടുതന്നെ സ്പേസ് ബയോളജി ഗവേഷണത്തില് ആല്ഗകള്ക്ക് ഇന്ന് അതീവ പ്രാധാന്യമാണുള്ളത്.
ഭാരതത്തിന്റെ വളര്ന്നു വരുന്ന ബഹിരാകാശ സ്വപ്നങ്ങള്ക്കും ആദരസൂചകമായാണ് പുതിയ സ്പീഷീസിന് ബഹിരാകാശ സഞ്ചാരിയുടെ പേര് നല്കിയതെന്നും ഗവേഷകര് വ്യക്തമാക്കി.
