മുംബൈ: അയർലൻഡ്, ഇംഗ്ലണ്ട് പര്യടനങ്ങൾക്കുള്ള ട്വന്റി-20 പരമ്പരകൾക്കും സെപ്തംബർ ഓക്ടോബർ മാസങ്ങളിൽ നടക്കാനിരിക്കുന്ന ഏഷ്യൻ ഗെയിംസിനുമുള്ള ഇന്ത്യൻ ടീമിനെ പ്രഖ്യാപിച്ച് ബിസിസിഐ. സൂര്യകുമാർ യാദവിനെ പൂർണമായും ഒഴിവാക്കി ശ്രേയസ് അയ്യരെ പുതിയ പ്രഖ്യാപിച്ചു. 16 അംഗ ടീമിൽ മലയാളി താരം സഞ്ജു സാംസണെയും ഉൾപ്പെടുത്തിയിട്ടുണ്ട്.
അജിത് അഗാർക്കറുടെ നേതൃത്വത്തിലുള്ള സെലക്ഷൻ കമ്മിറ്റിയാണ് പുതിയ ടീമിനെ പ്രഖ്യാപിച്ചത്. ഐപിഎല്ലിൽ തരംഗമായി മാറിയ 15 കാരൻ വൈഭവ് സൂര്യവംശിയെ മൂന്ന് സ്ക്വാഡുകളിലും ഉൾപ്പെടുത്തിയിട്ടുണ്ട് എന്നത് ശ്രദ്ധേയമാണ്. ഐപിഎല്ലിലും ഇന്ത്യ അണ്ടർ 19 ടീമിലും മികച്ച പ്രകടനം കാഴ്ചവച്ചതിന്റെ അടിസ്ഥാനത്തിലാണ് ഈ യുവതാരം ടീമിലേക്ക് വരുന്നത്. 16 ഇന്നിംഗ്സുകളിൽ നിന്ന് 776 റൺസ് നേടിയ മികച്ച ഐപിഎൽ സീസണിനുശേഷം, വൈഭവ് ഇന്ത്യൻ സീനിയർ ടീമിലേക്കും പ്രവേശിച്ചു.
തിലക് വർമ്മയാണ് മൂന്ന് ടീമിന്റെയും വൈസ് ക്യാപ്ടൻ. മൊത്തം നാല് വ്യത്യസ്ത സ്ക്വാഡുകളെയാണ് ബിസിസിഐ നിലവിൽ പ്രഖ്യാപിച്ചിരിക്കുന്നത്. ജസ്പ്രീത് ബുംറയെ ഉൾപ്പെടുത്തിയതും സിറാജിനെയും പ്രിൻസ് യാദവിനെയും ഒഴിവാക്കിയതും മാത്രമാണ് ഏഷ്യൻ ഗെയിംസിനുള്ള ടീമിലെ ഏക വ്യത്യാസം.
ഏഷ്യൻ ഗെയിംസിനുള്ള ഇന്ത്യൻ ടീം
ശ്രേയസ് അയ്യർ (ക്യാപ്റ്റൻ), വൈഭവ് സൂര്യവംശി, അഭിഷേക് ശർമ്മ, സഞ്ജു സാംസൺ, ഇഷാൻ കിഷൻ, ശിവം ദുബെ, തിലക് വർമ്മ, നിതീഷ് കുമാർ റെഡ്ഡി, അക്സർ പട്ടേൽ, വാഷിംഗ്ടൺ സുന്ദർ, വരുൺ ചക്രവർത്തി, രവി ബിഷ്ണോയ്, ഹർഷിത് റാണ, അർഷ്ദീപ് സിംഗ്, ജസ്പ്രീത് ബുംറ.
അയർലൻഡ്, ഇംഗ്ലണ്ട് ടി20 മത്സരങ്ങൾക്കുള്ള ഇന്ത്യൻ ടീം:
ശ്രേയസ് അയ്യർ (ക്യാപ്റ്റൻ), വൈഭവ് സൂര്യവംശി, അഭിഷേക് ശർമ്മ, സഞ്ജു സാംസൺ, ഇഷാൻ കിഷൻ, ശിവം ദുബെ, തിലക് വർമ്മ, നിതീഷ് കുമാർ റെഡ്ഡി, അക്സർ പട്ടേൽ, വാഷിംഗ്ടൺ സുന്ദർ, വരുൺ ചക്രവർത്തി, രവി ബിഷ്ണോയ്, മുഹമ്മദ് സിറാജ്, ഹർഷിത് റാണ, അർഷ്ദീപ് സിംഗ്, പ്രിൻസ് യാദവ്.
