കോഴിക്കോട് : കനത്ത മഴയുണ്ടാകുമെന്ന മുന്നറിയിപ്പിനെ തുടര്ന്ന് ജില്ലയിലെ എല്ലാ വിനോദ സഞ്ചാര കേന്ദ്രങ്ങളിലും സഞ്ചാരികള്ക്ക് വിലക്ക്.ശനിയും ഞായറും ജില്ലയില് ചുവപ്പ് ജാഗ്രത പ്രഖ്യാപിച്ച പശ്ചാത്തലത്തിലാണ് ഇത്.ഡിടിപിസിയുടെ കീഴിലുള്ള വെള്ളച്ചാട്ടങ്ങള്, ബീച്ചുകള് ഉള്പ്പെടെ എല്ലാ കേന്ദ്രങ്ങളും അടച്ചിടും.ചുവപ്പ് ജാഗ്രത നിലനില്ക്കുന്ന ദിവസങ്ങളില് സഞ്ചാരികള്ക്ക് പ്രവേശനമുണ്ടാകില്ല.
സഞ്ചാരികളുടെ സുരക്ഷ മുന്നിര്ത്തിയാണ് നിയന്ത്രണം . വിലങ്ങാട് മേഖലയില് നിന്ന് ജനങ്ങളെ ഉടന് മാറ്റിത്താമസിപ്പിക്കാന് ജില്ലാ കളക്ടര് ഉത്തരവിട്ടു.
ശനിയാഴ്ച കണ്ണൂര്, കോഴിക്കോട്, കാസര്ഗോഡ്, വയനാട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചിട്ടുണ്ട്.ചുവപ്പ് ജാഗ്രത പ്രഖ്യാപിച്ച സാഹചര്യത്തിലാണ് നടപടി.
