ആലപ്പുഴ: നവകേരള യാത്രയ്ക്കിടെ മുഖ്യമന്ത്രി പിണറായി വിജയന്റെ സുരക്ഷാ ഉദ്യോഗസ്ഥര് ആലപ്പുഴയില്വച്ച് യൂത്ത് കോണ്ഗ്രസ് നേതാക്കളെ മര്ദിച്ചതില് ഗ്രേഡ് എസ്ഐമാരുടെ നിര്ണായക മൊഴി. റിപ്പോര്ട്ട് തിരുത്താന് മേലുദ്യോഗസ്ഥന് സമ്മര്ദം ചെലുത്തിയെന്നാണ് ഇവര് മൊഴി നല്കിയത്.
മേലുദ്യോഗസ്ഥന്റെ ഉത്തരവ് അനുസരിക്കുക മാത്രമാണ് ചെയ്തത് എന്ന് എഡിജിപി എം.ആര്.അജിത് കുമാറിന്റെ ഓഫീസിലെ രണ്ട് എസ്ഐമാരാണ് പ്രത്യേക അന്വേഷണ സംഘത്തിന് മൊഴി നല്കിയത്.
കേസില് തങ്ങള്ക്ക് നേരിട്ട് ബന്ധമില്ലെന്നാണ് മൊഴിയില് പറയുന്നത്.
കഴിഞ്ഞ ദിവസമാണ് ഗ്രേഡ് എസ്ഐമാരായ ഗിരീഷ്, ശ്രീകാന്ത് എന്നിവരുടെ മൊഴി രേഖപ്പെടുത്തിയത്.ഇവര് റഫര് റിപ്പോര്ട്ടില് തെളിവില്ല എന്ന് എഴുതി ചേര്ത്തു. പൊലീസ് ഫോട്ടോഗ്രാഫര് പകര്ത്തിയ മര്ദ്ദന ദൃശ്യങ്ങള് മാത്രമേ ഉള്ളൂവെന്ന് രേഖപ്പെടുത്തി. ഇതില് ക്രൂര മര്ദന ദൃശ്യങ്ങളില്ല. ഈ പശ്ചാത്തലത്തിലാണ് കേസില് തെളിവില്ല എന്ന് കാട്ടി കോടതിയില് റിപ്പോര്ട്ട് നല്കിയത്.
