കൊച്ചി: സംസ്ഥാനത്തെ സ്വർണ്ണവിലയിൽ ഇന്നും ഇടിവ്. മാസാദ്യം മുതൽ മൂന്ന് ദിവസം അനക്കമില്ലാതെ ഒരേ നിരക്കിൽ തുടർന്നിരുന്ന വിപണിയിൽ ഇന്നലെ നേരിയ ഇടിവുണ്ടായിരുന്നു. ഇതിന് പിന്നാലെയാണ് ഇന്നും സ്വർണവിപണിയിൽ ആശ്വാസം. 280 രൂപയാണ് ഇന്ന് ഒരു പവൻ സ്വർണ്ണത്തിന് കുറഞ്ഞത്. ഈ മാസം തുടക്കത്തിലുണ്ടാകുന്ന ഈ ഇളവുകൾ വരും ദിവസങ്ങളിലും സ്വർണ്ണവിപണിയിൽ പ്രകടമാകുമെന്ന പ്രതീക്ഷയിലാണ് ഉപഭോക്താക്കൾ.
ഇന്ന് ഗ്രാമിന് 35 രൂപ കുറഞ്ഞ് 14275 രൂപയും പവന് 280 രൂപ കുറഞ്ഞ് 1,14,200 രൂപയുമായി. വെള്ളിവിലയിലും ഇടിവുണ്ട്. ഗ്രാമിന് അഞ്ച് രൂപയും കിലോക്ക് 5000 രൂപയുമാണ് കുറഞ്ഞത്. 275 രൂപയാണ് ഗ്രാം വില.
ഇന്നലെ സ്വർണം ഗ്രാമിന് 10 രൂപയും പവന് 80 രൂപയും കുറഞ്ഞിരുന്നു. ഗ്രാമിന് 14,310 രൂപയും പവന് 1,14,480 രൂപയുമായിരുന്നു വില. തിങ്കളാഴ്ച ഗ്രാമിന് 75 രൂപയും പവന് 600 രൂപയും കുറഞ്ഞിരുന്നു. ചൊവ്വ, ബുധൻ ദിവസങ്ങളിൽ ഇതേ വില മാറ്റമില്ലാതെ തുടർന്നു.
അന്താരാഷ്ട്ര വിപണിയിൽ സ്പോട്ട് ഗോൾഡിന് ട്രോയ് ഔൺസിന് 33.01 ഡോളർ കുറഞ്ഞ് 4,444.25 ഡോളറായി. 0.74 ശതമാനമാണ് കുറഞ്ഞത്. ഈ വർഷം ജനുവരി 29നാണ് സ്വർണത്തിന് ചരിത്രത്തിലെ ഏറ്റവും ഉയർന്ന വില രേഖപ്പെടുത്തിയത്. ഗ്രാമിന് 16395 രൂപയും പവന് 1,31,160 രൂപയുമായിരുന്നു അന്നത്തെ വില.
ജൂണിലെ സ്വർണവില:
1: 1,14,560
2: 1,14,560
3: 1,14,560
4: 1,14,480
5: 1,14,200
