തിരുവനന്തപുരം: സര്ക്കാരിന്റെ ധവളപത്രം പുറത്തിറക്കിയതോടെ പരിഹാസവുമായി എസ്എഫ്ഐ.
വാക്കാണ് പ്രധാനം.പി എസ് സി ഉദ്യോഗാര്ത്ഥികള്ക്കുള്ള യു ഡി എഫ് വാക്ക് ദാനം പൂവണിയുന്നു, പറ്റിക്കപ്പെട്ട കേരളത്തിലെ മോഡിഫൈഡ് യുവതലമുറയ്ക്ക് അഭിവാദ്യങ്ങളെന്ന് എസ്എഫ്ഐ സംസ്ഥാന പ്രസിഡന്റ് എം ശിവപ്രസാദ് ഫേസ്ബുക്കില് കുറിച്ചു.
സര്ക്കാര് ജീവനക്കാരുടെ പെന്ഷന് പ്രായം ഉയര്ത്താന് നിര്ദ്ദേശം തയാറാവുകയാണ്.യൂത്ത് കോണ്ഗ്രസ് നേതാക്കളായ ജനീഷ്കുമാറും അബിന് വര്ക്കിയും പി എസ് സി ഉദ്യോഗാര്ത്ഥികള്ക്ക് വേണ്ടി നാളെ നിയമസഭ സ്തംഭിപ്പിക്കും.
സെക്രട്ടേറിയറ്റിന് മുന്നിലെ പി എസ് സി ഉദ്യോഗാര്ത്ഥികളുടെ സമരം വി.ഡി. സതീശന് ഉദ്ഘാടനം ചെയ്യും. പി. സി. വിഷ്ണുനാഥ് ആശംസകള് നേര്ന്നു സംസാരിക്കും .അഭിവാദ്യങ്ങളോടെ, പറ്റിക്കപ്പെട്ട കേരളത്തിലെ മോഡിഫൈഡ് യുവതലമുറ-എം ശിവപ്രസാദ് പരിഹാസത്തോടെ കുറിച്ചു.
അതേസമയം കേരളത്തിലെ ചെറുപ്പക്കാരുടെ തൊഴില് എന്ന സ്വപ്നം തകര്ക്കുന്ന ചില കാര്യങ്ങള് ധവള പത്രത്തില് ഉണ്ടെന്ന് സി പി എം നേതാവും മട്ടന്നൂരിലെ എം എല് എയുമായ വി കെ സനോജ് പറഞ്ഞു. പിഎസ് സി പരീക്ഷ എഴുതി ആയിരങ്ങള് തൊഴില് കാത്ത് നില്ക്കുന്നു. അവരുടെ തലയില് ഇടിത്തീ വീഴുന്ന നിര്ദ്ദേശമായി ധവള പത്രത്തിലെ പെന്ഷന് പ്രായം ഉയര്ത്തണം എന്ന കാര്യം. ഇതുമായി മുന്നോട്ടുപോവുകയാണെങ്കില് അതിശക്തമായ പ്രതിഷേധത്തിന് ഡിവൈഎഫ്ഐ നേതൃത്വം നല്കുമെന്നും വി കെ സനോജ് പറഞ്ഞു.
ഇത് യുവാക്കളോടുള്ള വഞ്ചനയാണ് ഇതില്നിന്ന് സര്ക്കാര് പിന്മാറണം. പെന്ഷന് പ്രായം വര്ധിപ്പിക്കുന്നതിലൂടെ പ്രമോഷന് സാധ്യതകള് ഇല്ലാതാകുന്നു. കഴിഞ്ഞ പത്ത് വര്ഷത്തിനിടെ ഏറ്റവും കൂടുതല് പിഎസ്.സി നിയമനം കേരളത്തില് നടന്നത് യു പി എസ് സി അംഗീകരിച്ച കാര്യമാണെന്നും വി കെ സനോജ് പറഞ്ഞു.
യുഡിഎഫ് അധികാരത്തില് വന്ന ഘട്ടത്തില് എല്ലാം യുവജന വിരുദ്ധ നയങ്ങള് കണ്ടിട്ടുണ്ട്.ഉമ്മന് ചാണ്ടിയുടെ കാലത്ത് നിയമന നിരോധനം ഉണ്ടായിരുന്നു. യുവജന വിരുദ്ധ നയങ്ങള് തിരുത്താന് തയാറായില്ലെങ്കില് ശക്തമായ പ്രക്ഷോഭം ഉണ്ടാകും.
മോഡിഫിക്കേഷന് അനുവദിക്കുമെന്ന വി ഡി സതീശന്റെ വാഗ്ദാനത്തെയും വി കെ സനോജ് വിമര്ശിച്ചു. സ്റ്റിയറിംഗില് കവര് പിടിപ്പിക്കുന്നതാണ് മോഡിഫിക്കേഷന്. അദ്ദേഹത്തിന്റെ വാക്കും പഴയ ചാക്കും ഒന്നാണ്. വാക്ക് പാലിക്കുന്ന ആളാണെങ്കില് പെട്രോളിന് രണ്ട് രൂപ അധിക നികുതി വേണ്ട എന്ന് പറയാനുള്ള ആര്ജ്ജവം കാണിക്കണം .
