തിരുവനന്തപുരം: കൃഷി മന്ത്രി ടി സിദ്ദിഖിനൊപ്പം വാര്ത്താസമ്മേളനത്തിന് എത്തിയ കൃഷി വകുപ്പ് ഡയറക്ടര് ശ്രീറാം വെങ്കിട്ടരാമന് എതിരെ മാധ്യമപ്രവര്ത്തകരുടെ പ്രതിഷേധം. മാധ്യമ പ്രവര്ത്തകന് കെ എം ബഷീറിന്റെ കൊലയാളിയെ വാര്ത്താ സമ്മേളനത്തില് ഒപ്പമിരുത്താന് കഴിയില്ലെന്ന് മാധ്യമപ്രവര്ത്തകര് പറഞ്ഞു. പ്രതിഷേധത്തെ തുടര്ന്ന് ശ്രീറാം വെങ്കട്ടരാമന് പുറത്തിറങ്ങി. നിയമസഭയിലെ മീഡിയ റൂമിലായിരുന്നു വാര്ത്താസമ്മേളനം.
ആദ്യം മന്ത്രി മാത്രമായിരുന്നു എത്തിയത്. വാര്ത്താസമ്മേളനം നടക്കുന്നതിനിടെയാണ് ശ്രീറാം വെങ്കിട്ടരാമന് എത്തി മന്ത്രിക്കൊപ്പമിരുന്നത്.തുടര്ന്നാണ് മാധ്യമപ്രവര്ത്തകര് പ്രതിഷേധിച്ചത്.
ആദ്യം പ്രതിഷേധം ഉയര്ത്തിയപ്പോള് വഴങ്ങാതെ മന്ത്രി ടി. സിദ്ദീഖ് സംസാരിക്കുന്നത് തുടര്ന്നു. പ്രതിഷേധം തുടര്ന്നതോടെ ശ്രീറാം തന്നെ സ്വമേധയാ പുറത്തിറങ്ങുകയായിരുന്നു.2019ലാണ് സിറാജ് പത്രത്തിന്റെ തിരുവനന്തപുരം ബ്യൂറോ ചീഫ് ആയിരുന്ന കെ.എം. ബഷീര് ശ്രീറാം വെങ്കിട്ടരാമന് മദ്യപിച്ച് ലക്ക് കെട്ട് ഓടിച്ച കാറിടിച്ച് കൊല്ലപ്പെട്ടത്. കാറില് ഒപ്പമുണ്ടായിരുന്ന വഫ ഫിറോസിനെ കോടതി കുറ്റപത്രത്തില് നിന്ന് ഒഴിവാക്കിയതിനാല് കേസില് ശ്രീറാം വെങ്കട്ടരാമന് മാത്രമാണ് പ്രതി.
