ഇന്ത്യക്കാർ മാത്രമല്ല, നിരവധി ഹോളിവുഡ് താരങ്ങളും, നടന്മാരും, ബിസിനസുകാരും, ചില ശാസ്ത്രജ്ഞരും ഹിന്ദു ദൈവങ്ങളിൽ വിശ്വസിക്കുന്നു. പലരും ഇത് തുറന്നു പറഞ്ഞിട്ടുണ്ട്, അവരിൽ ഏറ്റവും പ്രമുഖർ ജൂലിയ റോബർട്ട്സ്, നടൻ റസ്സൽ ബ്രാൻഡ്, റോബർട്ട് ഡൗണി ജൂനിയർ തുടങ്ങിയവരാണ് . ഈ പട്ടികയിൽ പ്രശസ്ത ഹോളിവുഡ് നടനും ഓസ്കാർ ജേതാവുമായ വിൽ സ്മിത്തും ഉൾപ്പെടുന്നു. അടുത്തിടെ, വിൽ സ്മിത്ത് ഒരു ഗണേശ ലോക്കറ്റ് വാങ്ങി കഴുത്തിൽ ധരിച്ചിരുന്നു.
വിൽ സ്മിത്ത് വളരെക്കാലമായി ഹിന്ദു ദൈവങ്ങളിലും മതത്തിലും വിശ്വസിക്കുന്ന ആളാണ്. അദ്ദേഹം ഇതിനെക്കുറിച്ച് കുറച്ച് തവണ പറഞ്ഞിട്ടുണ്ട്. ഇന്ത്യയുമായും വിൽ സ്മിത്തിന് അടുത്ത ബന്ധമുണ്ട്. അടുത്തിടെ, ഒരു കോടി രൂപയ്ക്ക് ഒരു ഗണേശ വിഗ്രഹ ലോക്കറ്റ് വാങ്ങി അദ്ദേഹം കഴുത്തിൽ ധരിച്ചു. ഗണേശ വിഗ്രഹ ലോക്കറ്റ് വാങ്ങുന്നതിന്റെ വീഡിയോ ഇപ്പോൾ വൈറലായിരിക്കുകയാണ്.
ഡൽഹിയിലെ സുന്ദർ നഗറിലെ മോതി ജുവൽസ് പാലസിൽ നിന്നാണ് വിൽ സ്മിത്ത് സ്വർണ്ണവും വജ്രവും ചേർന്ന ഗണേശ വിഗ്രഹ ലോക്കറ്റ് സ്വന്തമാക്കിയത് . മോതി ജുവൽസിന്റെ ഉടമ ലണ്ടനിലേക്ക് പോയി, അവിടെ വെച്ചാണ് വിൽ സ്മിത്തിനെ കണ്ട് ഗണേശ ലോക്കറ്റ് നൽകിയത് . വളരെ സന്തോഷത്തോടെ ലോക്കറ്റ് സ്വീകരിക്കുകയും അതിന്റെ വിവരണം താൽപ്പര്യത്തോടെ കേൾക്കുകയും ചെയ്ത വിൽ സ്മിത്ത് അതിനെ ‘യഥാർത്ഥത്തിൽ സന്തോഷകരമായ ഒരു നിമിഷം’ എന്ന് വിശേഷിപ്പിച്ചു.
