കൊച്ചി:കുംഭമേളയിലെ വൈറൽ വീഡിയോയിലൂടെ ശ്രദ്ധേയയായ പെൺകുട്ടിയുടെ വിവാഹവുമായി ബന്ധപ്പെട്ട് ഭർത്താവ് മുഹമ്മദ് ഫർമാൻ ഖാൻ നൽകിയ മുൻകൂർ ജാമ്യാപേക്ഷയിൽ കേരള ഹൈക്കോടതി ജൂൺ 3 ബുധനാഴ്ച വിധി പറയും.
ഈ കേസില്‍ മധ്യപ്രദേശ് പൊലീസ് കേരള ഹൈക്കോടതിയിൽ നല്‍കിയ സത്യവാങ്ങ്മൂലം ഫര്‍മാനെയും പെണ്‍കുട്ടിയെയും ഒരു പോലെ കുടുക്കുന്ന ഒന്നാണെന്ന് പറയുന്നു. “പെൺകുട്ടിയുടെ ജനന സർട്ടിഫിക്കറ്റ് നേടാൻ രേഖകൾ തിരുത്തി. ജനന രജിസ്ട്രാറുടെ മുന്നിൽ പെൺകുട്ടി വ്യാജ വിവരം നൽകി. ഇതിന് ബി.എൻ.എസ് അനുസരിച്ച് വ്യാജരേഖ ചമച്ചെന്ന കുറ്റം ചുമത്താവുന്നതാണ്. “. -മധ്യപ്രദേശ് പൊലീസിന്റെ സത്യവാങ്ങ്മൂലത്തില്‍ പറയുന്നു.
“പെൺകുട്ടിക്ക് 16 വയസ് മാത്രമാണ് പ്രായം..സർട്ടിഫിക്കറ്റിലെ ജനന ദിവസവും ആശുപത്രി രേഖകളും തമ്മിൽ പൊരുത്തക്കേടുകളുണ്ട്.കേരളത്തിൽ നടന്ന പെൺകുട്ടിയുടെ വിവാഹം അസാധുവാണ്..വ്യത്യസ്ത മതത്തിലുള്ളവർ തമ്മിലുള്ള വിവാഹം ക്ഷേത്രത്തിൽ വെച്ചാണ് നടത്തിയത്. അതിനാൽ ഈ വിവാഹം മതാചാര പ്രകാരമല്ല. പ്രായപൂർത്തിയാകാത്തതിനാൽ രജിസ്റ്റർ ചെയ്ത വിവാഹത്തിനും നിയമ സാധുതയില്ല. പ്രായപൂർത്തി ആകാത്ത പെൺകുട്ടിക്കൊപ്പം ഒരുമിച്ച് താമസിക്കുന്നതും കുറ്റകരമാണ്” മധ്യപ്രദേശ് പൊലീസിന്റെ സത്യവാങ്മൂലം ഇങ്ങിനെ പോകുന്നു.
വ്യാജ സർട്ടിഫിക്കറ്റ് നൽകി പ്രായപൂർത്തിയാകാത്ത പെൺകുട്ടിയെ വിവാഹം ചെയ്ത സംഭവത്തിലാണ് ഫർമാനെതിരെ പോക്സോ, പട്ടികജാതി-പട്ടികവർഗ (അതിക്രമങ്ങൾ തടയൽ) നിയമത്തിലെ വിവിധ വകുപ്പുകൾ പ്രകാരം മധ്യപ്രദേശ് പൊലീസ് കേസെടുത്തത്.
പെൺകുട്ടിയുടെ പിതാവിന്റെ പരാതിയുടെ അടിസ്ഥാനത്തിൽ അന്വേഷണ സംഘം മഹേശ്വറിലെ സർക്കാർ ആശുപത്രിയിലെ രേഖകൾ പരിശോധിച്ചപ്പോഴാണ് 2009 ഡിസംബർ 30 ന് വൈകുന്നേരം 5:50 നായിരുന്നു ജനനം എന്ന് മനസിലായത്. വിവാഹം നടന്ന കേരളത്തിലെ ഗ്രാമപഞ്ചായത്തിൽ നിന്ന് രജിസ്ട്രേഷൻ രേഖകളും പരിശോധിച്ചു. കേരളത്തിൽ വിവാഹം രജിസ്റ്റർ ചെയ്യുന്നതിനായി മഹേശ്വർ ഗ്രാമപഞ്ചായത്ത് നൽകിയെന്ന പേരിൽ വ്യാജ രേഖകളാണ് ഫർമാൻ വിവാഹ സമയം നൽകിയതെന്നും പിന്നീട് കണ്ടെത്തി.
ഈ വിവാഹത്തിന് മുഴുവന്‍ പിന്തുണയും നല്‍കിയ സിപിഎം നേതാക്കളായ എംവി ഗോവിന്ദന്‍, റഹിം എന്നിവരും ഈ പോക്സോ കേസില്‍ പരോക്ഷ പങ്കാളികളാകും.
