കാസര്ഗോഡ്:മുഖ്യമന്ത്രി വി.ഡി. സതീശന്റെ ചിത്രം മോര്ഫ് ചെയ്ത് സാമൂഹ്യ മാധ്യമങ്ങളിലൂടെ പ്രചരിപ്പിച്ച സംഭവത്തില് രണ്ടുപേര്ക്കെതിരെ കേസെടുത്തു. വി.ഡി. സതീശന്റെ അര്ധനഗ്ന ഫോട്ടോ കൃത്രിമമായി നിര്മിച്ച് പ്രചരിപ്പിച്ച സംഭവത്തിലാണ് നടപടി.
കാസര്ഗോഡ് ചിറ്റാരിക്കാല് സ്വദേശികളായ ഷാജഹാന്, സ്നേഹജന് എന്നിവര്ക്കെതിരെയാണ് കേസെടുത്തത്. ചിറ്റാരിക്കാല് പൊലീസാണ് കേസെടുത്തത്. ഈസ്റ്റ് എളേരി എന്ന വാട്സ്ആപ് കൂട്ടായ്മയിലാണ് പ്രതികള് ചിത്രം പങ്കുവച്ചത്.
സമൂഹത്തില് കലാപം ഉണ്ടാക്കുക എന്ന ലക്ഷ്യത്തോടെ പ്രതികള് പ്രവര്ത്തിച്ചുവെന്ന് എഫ്ഐആറില് പറയുന്നു. ഈസ്റ്റ് എളേരി മണ്ഡലം കോണ്ഗ്രസ് കമ്മിറ്റി പ്രസിഡന്റ് കെ.എ. ജോര്ജ് നല്കിയ പരാതിയിലാണ് പ്രതികള്ക്കെതിരെ കേസെടുത്തത്.
