തിരുവനന്തപുരം: പിണറായി വിജയന് വേണ്ടി ഇഡിയെ തടയാന് പാര്ട്ടിക്കാര് വരുമെങ്കിലും വീണ തൈക്കണ്ടിയ്ക്ക് വേണ്ടി ഇഡിയെ തടയാന് പാര്ട്ടിക്കാര് വരില്ലെന്ന് സിപിഎം പ്രവര്ത്തകര്. കൊല്ലം ഏരിയാകമ്മിറ്റി യോഗത്തിലാണ് ഇഡി വണ്ടി തടയുകയും ആക്രമിക്കുകയും ചെയ്തതിന് വലിയ വിമര്ശനം ഉയര്ന്നത്.
വാസ്തവത്തില് തിരുവനന്തപുരത്ത് പിണറായിയുടെ വാടകവീട്ടില് നടന്ന ഇഡി റെയ്ഡ് വീണയ്ക്കെതിരായ ഒന്നായിരുന്നു. അല്ലാതെ പിണറായിക്ക് എതിരായ ഒന്ന് അല്ലായിരുന്നു. വീണ തൈക്കണ്ടി പിണറായിയുടെ കൂടെ തങ്ങുന്നതിനാലാണ് അവിടെ റെയ്ഡ് നടത്തിയത്.
തോറ്റു തൊപ്പിയിട്ടിട്ടും പ്രതിപക്ഷനേതാവിനെ തെരഞ്ഞെടുക്കാന് വോട്ടെടുപ്പ് നടത്തിയ ഈ പാര്ട്ടിയിലേക്ക് ആര് വരുമെന്നും സിപിഎം പ്രവര്ത്തകര് ചോദിച്ചു. പരാജയത്തിന്റെ ഉത്തരവാദിത്വം ഏറ്റെടുത്ത് പിണറായി പ്രതിപക്ഷ നേതാവ് എന്ന പദവി ഒഴിയണമെന്നും അംഗങ്ങള് ആവശ്യപ്പെട്ടു.
