കൊച്ചി: നടി അന്സിബ ഹസന് മുഖ്യമന്ത്രിക്ക് നല്കിയ പരാതിയില് അന്വേഷണത്തിനായി തിങ്കളാഴ്ച ഹാജരാകണമെന്ന് നടി ലക്ഷ്മിപ്രിയയോട് ആവശ്യപ്പെട്ട് പൊലീസ്.തൃപ്പൂണിത്തുറ വനിതാ സെല് എസ്ഐ രേഷ്മയില് നിന്നും മൊഴിയെടുക്കും.
തൃപ്പൂണിത്തുറ വനിതാ സെല് എസ്ഐ രേഷ്മയില് നിന്നും നടി ലക്ഷ്മിപ്രിയയില് നിന്നും നേരിട്ട ദുരനുഭവങ്ങളെക്കുറിച്ച് അന്സിബ മുഖ്യമന്ത്രിക്ക് നല്കിയ പരാതിയിലുള്ള തുടര്നടപടിയാണ് ഇത്.
പരാതിയില് നടി അന്സിബ ഹസന് ഞായറാഴ്ച മൊഴിനല്കി. രാവിലെ തൃക്കാക്കര എസിപി ഓഫീസിലെത്തിയാണ് മൊഴി നല്കിയത്.
ഏതാനും ദിവസങ്ങള്ക്ക് മുമ്പാണ് ലക്ഷ്മിപ്രിയ നല്കിയ പരാതിയില് പൊലീസ് സ്റ്റേഷനില്വച്ച് താന് നേരിട്ട ദുരനുഭവങ്ങളെക്കുറിച്ച് അന്സിബ ഹസന് മുഖ്യമന്ത്രിക്ക് പരാതി നല്കിയത്. ഈ പരാതി പൊലീസ് മേധാവിക്ക് കൈമാറി. ഇത് കൊച്ചി സിറ്റി പൊലീസ് കമ്മീഷണര്ക്ക് കൈമാറിയ ശേഷം തൃക്കാക്കര എസിപിയോട് അന്വേഷിച്ച് റിപ്പോര്ട്ട് നല്കാന് ആവശ്യപ്പെടുകയായിരുന്നു.
തുടര്ന്നാണ് അന്സിബ മൊഴി നല്കിയത്.നടന് ടിനി ടോമിനെതിരെയും അന്സിബ മൊഴി നല്കി. ടിനിടോം തന്നെ ജിഹാദിയെന്ന് വിളിച്ചു, മതം മാറ്റാന് താന് ശ്രമം നടത്തി എന്നും പറഞ്ഞെന്ന് അന്സിബ നേരത്തേ ആരോപിച്ചിരുന്നു.
അതേസമയം, നിലവിലെ പ്രതിസന്ധിയുടെയും ഭരണപരമായ പരാജയങ്ങളുടെയും ധാര്മികവും രാഷ്ട്രീയവുമായ ഉത്തരവാദിത്തം ഏറ്റെടുത്ത് അമ്മ ഭരണസമിതി സ്ഥാനമൊഴിയണം എന്ന് നടി മാല പാര്വതി ആവശ്യപ്പെട്ടു.
