മേടക്കൂറ്: അശ്വതി, ഭരണി, കാര്ത്തിക (1/4)
ഗൃഹാന്തരീക്ഷം അസ്വസ്ഥത മാറി സ്വസ്ഥത വരുന്നതാണ്. ദേഹാരിഷ്ടതകളുണ്ടാകും. കുടുംബത്തില് ഐശ്വര്യം വര്ധിക്കും. സിനിമ, നാടകം എന്നീ മേഖലകളില് പ്രവര്ത്തിക്കുന്നവര്ക്ക് പണം, അംഗീകാരം എന്നിവ ലഭിക്കുന്നതാണ്. ഗുരുജനങ്ങള്ക്ക് അസുഖങ്ങള് വര്ധിക്കും. മനസുഖമുണ്ടാകും.
ഇടവക്കൂറ്: കാര്ത്തിക (3/4), രോഹിണി, മകയിരം (1/2)
ഗാര്ഹികാന്തരീക്ഷം പൊതുവേ ഗുണകരമായിരിക്കും. മനസ്സിന് സന്തോഷം കൈവരും. വരുംവരായ്ക നോക്കാതെ ചില കാര്യങ്ങളില് ചെന്നുപെട്ടിരിക്കും. മകന്റെ ജോലിക്കാര്യത്തിന് പ്രവര്ത്തിക്കുകയും, വിജയിക്കുകയും ചെയ്യും. പുണ്യസ്ഥലങ്ങള് സന്ദര്ശിക്കും. മനസ്സിന് ഉന്മേഷം നല്കുന്ന വാര്ത്തകള് കേള്ക്കും.
മിഥുനക്കൂറ്: മകയിരം (1/2), തിരുവാതിര, പുണര്തം (3/4)
ആരോഗ്യസ്ഥിതി മെച്ചപ്പെടും. പരീക്ഷകളില് വിജയം കൈവരിക്കും. കുടുംബത്തില് അതിഥികള് വരും. ത്വക്രോഗങ്ങള്ക്ക് സാധ്യതയുണ്ട്. കലാപ്രവര്ത്തനങ്ങളിലേര്പ്പെട്ടിട്ടുള്ളവര്ക്ക് അംഗീകാരം ലഭിക്കും. യുവജനങ്ങളുടെ വിവാഹകാര്യത്തില് തീരുമാനമുണ്ടാകും. ഉദ്യോഗസ്ഥര്ക്ക് സ്ഥാനക്കയറ്റം ഉണ്ടാകും.
കര്ക്കടകക്കൂറ്: പുണര്തം (1/4), പൂയം, ആയില്യം
പോലീസ്, പട്ടാളം എന്നീ മേഖലകളില് ഉള്ളവര്ക്ക് പ്രമോഷന് സാധ്യതയുണ്ട്. പ്രമാണങ്ങളില് ഒപ്പുവെക്കും. കിട്ടാനുള്ള പണം നിശ്ചിത സമയത്ത് കിട്ടില്ല. അനാവശ്യ ചെലവുകള് വന്നുചേരും. ചെറുയാത്രകള് നിശ്ചയിക്കും. എല്ലാ രംഗങ്ങളിലും നല്ല രീതിയില് പ്രവര്ത്തിക്കുമെങ്കിലും വേണ്ടത്ര ഫലം ലഭിക്കില്ല.
ചിങ്ങക്കൂറ്: മകം, പൂരം, ഉത്രം (1/4)
എല്ലാ കാര്യങ്ങളിലും നേതൃത്വ മനോഭാവം പ്രകടിപ്പിക്കും. ഉത്സവാദികളില് പങ്കെടുക്കും. പുണ്യക്ഷേത്രങ്ങള് സന്ദര്ശിക്കാനവസരമുണ്ടാകും. ഓഹരി വിപണിയുമായി ബന്ധപ്പെട്ടവര്ക്ക് ധനനഷ്ടം വരാനിടയുണ്ട്. ടെസ്റ്റുകളിലും ഇന്റര്വ്യുകളിലും വിജയിക്കും. ഭൂമിയില്നിന്ന് ആദായം ലഭിക്കും. മത്സരപരീക്ഷകളില് വിജയിക്കും
.
കന്നിക്കൂറ്: ഉത്രം (3/4), അത്തം, ചിത്തിര (1/2)
സംസാരത്തിലും പ്രവൃത്തിയിലും കൂടുതല് ശ്രദ്ധ ആവശ്യമാണ്. സ്ത്രീകള് മുഖേന അപമാനവും ധനനഷ്ടവും സംഭവിക്കാവുന്നതാണ്. വ്യാപാരത്തില് നല്ല പുരോഗതിയുണ്ടാകും. കുടുംബകാര്യങ്ങളില് താല്പര്യം കാണിക്കും. കര്മങ്ങളില് ചില പ്രശ്നങ്ങള് ഉടലെടുക്കും. ഏജന്സി ഏര്പ്പാടില്നിന്ന് ലാഭമുണ്ടാകും.
തുലാക്കൂറ്: ചിത്തിര (1/2), ചോതി, വിശാഖം (3/4)
സുഹൃത്തുക്കള് മുഖേന സാമ്പത്തികനേട്ടമുണ്ടാകും. ഉദരരോഗം, മൂത്രാശയ രോഗം എന്നിവക്ക് സാധ്യതയുണ്ട്. പൊതുവില് എല്ലാ കാര്യങ്ങളിലും വിജയമുണ്ടാകും. മകളുടെ വിവാഹകാര്യവും ജോലിയും ശരിയാവാനിടയുണ്ട്. പ്രവര്ത്തന മേഖലയില് ഉന്നതിയും പരിഗണനയും ലഭിക്കും. ഭാര്യയുമായി രമ്യതയില് പ്രവര്ത്തിക്കും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
വക്കീലന്മാര്ക്കും ഗുമസ്തന്മാര്ക്കും അനുകൂല സമയമാണ്. പ്രണയം വിജയിക്കും. അര്ഹിക്കുന്ന അംഗീകാരം ലഭിക്കും. അധ്യാപനത്തില് താല്പര്യമേറും, വിദ്യ അഭ്യസിക്കാനവസരമുണ്ടാകും. പ്രമുഖ വ്യക്തികളില്നിന്ന് സമ്മാനമോ പ്രശംസയോ ലഭിക്കും.
ധനുക്കൂറ്: മൂലം, പൂരാടം, ഉത്രാടം (1/4)
സ്ത്രീജനങ്ങളില് നിന്ന് സഹായം ലഭിക്കും. കുടുംബത്തില് സുഖവും സമാധാനവും നിലനില്ക്കും. പാര്ട്ണര്ഷിപ്പ് വ്യാപാരം ആരംഭിക്കും. ആത്മവിശ്വാസക്കുറവ് അനുഭവപ്പെടും. പണമിടപാട് നടത്തിപ്പുകാര്ക്ക് നല്ല സമയമല്ല. ആരോഗ്യനില തൃപ്തികരമല്ല. ഭാര്യയുമായി പിണങ്ങി നില്ക്കേണ്ട അവസ്ഥയുണ്ടാകും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
ടെസ്റ്റുകളിലും ഇന്റര്വ്യുകളിലും വിജയം കൈവരിക്കും. സര്ക്കാര് ആനുകൂല്യങ്ങള് ലഭിക്കും. സാമ്പത്തിക ബുദ്ധിമുട്ടനുഭവിക്കും. അന്യദേശത്തുള്ളവര് നാട്ടിലേക്ക് വരുന്നതാണ്. സ്ത്രീകളില്നിന്ന് അപമാനിതനാകും. യാത്രകളില് ധനവും വിലപ്പെട്ട രേഖകളും നഷ്ടപ്പെടാനിടയുണ്ട്. ഗൃഹത്തില്നിന്ന് അകന്നുകഴിയേണ്ടിവരും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
ക്രയവിക്രയത്തിന് അനുകൂല സമയമാണ്. തൊഴില് സംബന്ധമായ ബദ്ധപ്പാടുകള് വര്ധിക്കും. എഴുത്തുകാര്ക്കും പത്രപ്രവര്ത്തകര്ക്കും വരുമാനം വര്ധിക്കുന്നതോടൊപ്പം കീര്ത്തിയും ഉണ്ടാകുന്നതാണ്. കുടുംബസുഖം കുറയും. ചതിയില്പ്പെടാനും ധനനഷ്ടം സംഭവിക്കാനുമിടയുണ്ട്. പുതിയ സംരംഭങ്ങള്ക്ക് പറ്റിയ സമയമല്ല.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
ദൂരദേശത്തേക്ക് യാത്ര പ്രതീക്ഷിച്ചിരിക്കുന്നവര്ക്ക് അത് സാധിക്കും. വിരുന്നുകളിലും സത്കാരങ്ങളിലും പങ്കുചേരും. അശ്രദ്ധ മൂലം ധനമോ ജോലിയോ നഷ്ടപ്പെടാനിടയുണ്ട്. ബന്ധുക്കളും സുഹൃത്തുക്കളുമായി അഭിപ്രായ വ്യത്യാസങ്ങളുണ്ടാകും. ബന്ധുക്കളോടൊപ്പം പുണ്യതീര്ത്ഥ ഉല്ലാസയാത്രക്ക് അവസരമുണ്ടാകും. പുതിയ ഔദ്യോഗിക ചുമതലകള് ഏറ്റെടുക്കും.
