നേരിട്ടുള്ള നിയമനം; കേരളത്തില് 15 പേര്ക്ക് അവസരം
വിശദവിവരങ്ങള് www.externalexam.bsnl.co.in ല്
ഓണ്ലൈനില് അപേക്ഷ ജൂണ് 4 മുതല് ജൂലൈ 3 വരെ
സെലക്ഷന് ടെസ്റ്റിന് തിരുവനന്തപുരം പരീക്ഷാകേന്ദ്രം
കേന്ദ്രസര്ക്കാര് സംരംഭമായ ഭാരത് സഞ്ചാര് നിഗം ലിമിറ്റഡ് (ബിഎസ്എന്എല്) 2026 വര്ഷത്തേക്ക് ജൂനിയര് ടെലികോം ഓഫീസര്മാരെ നേരിട്ടു നിയമിക്കുന്നതിന് യോഗ്യരായ ഉദ്യോഗാര്ത്ഥികളില്നിന്നും അപേക്ഷ ക്ഷണിച്ചു. വിശദവിവരങ്ങളടങ്ങിയ വിജ്ഞാപനം https://externalexam.bsnl.co.in/notification ല് ലഭിക്കും. വിവിധ സംസ്ഥാനങ്ങളിലെ ബിഎസ്എന്എല് സര്ക്കിളുകളിലായി ആകെ 100 ഒഴിവുകളുണ്ട്. കേരളത്തില് 15 ഉം കര്ണാടകത്തില് 26 പേര്ക്കുമാണ് അവസരം. ഓരോ സര്ക്കിൡലും ലഭ്യമായ ഒഴിവുകളും യോഗ്യതാ മാനദണ്ഡങ്ങളും സെലക്ഷന് നടപടികളും ശമ്പളവുമെല്ലാം വിജ്ഞാപനത്തിലുണ്ട്. തെരഞ്ഞെടുക്കപ്പെടുന്നവര് ഇന്ത്യയിലെവിടെയും ജോലിചെയ്യാന് ബാധ്യസ്ഥമാണ്.
യോഗ്യത: ടെലികമ്യൂണിക്കേഷന്സ്, ഇലക്ട്രോണിക്സ്, റേഡിയോ, കമ്പ്യൂട്ടര്, ഇലക്ട്രിക്കല്, ഇന്ഫര്മേഷന് ടെക്നോളജി (ഐടി), ഇന്സ്ട്രുമെന്റേഷന് ഡിസിപ്ലിനുകളില് അംഗീകൃത എന്ജിനീയറിങ് ബിരുദം അല്ലെങ്കില് എംഎസ്സി (ഇലക്ട്രോണിക്സ്/കമ്പ്യൂട്ടര് സയന്സ്) ബിരുദം. ബന്ധപ്പെട്ട ഡിസിപ്ലിനില് എംടെക് ഉള്ളവരെയും പരിഗണിക്കും.
പ്രായപരിധി 20-30 വയസ്. ഒബിസി നോണ് ക്രീമിലെയര് വിഭാഗത്തിന് 3 വര്ഷവും പട്ടികജാതി/വര്ഗ്ഗ വിഭാഗത്തിന് 5 വര്ഷവും ഭിന്നശേഷിക്കാര്ക്ക് 10 വര്ഷവും ബിഎസ്എന്എല് ജീവനക്കാര്ക്ക് 5 വര്ഷവും ഉയര്ന്ന പ്രായപരിധിയില് ഇളവുണ്ട്.
അപേക്ഷ/പരീക്ഷാ ഫീസ് 2000 രൂപ. എസ്സി/എസ്ടി/ഭിന്നശേഷി വിഭാഗങ്ങള്ക്ക് 1000 രൂപ മതി. ഇന്റര്നെറ്റ് ബാങ്കിങ്, ക്രഡിറ്റ്/ഡബിറ്റ് കാര്ഡ് മുഖേന ഫീസ് അടയ്ക്കാം.
www.externalexam.bsnl.co.in പോര്ട്ടല് വഴിയാണ് അപേക്ഷിക്കേണ്ടത്. ജൂണ് 4 മുതല് ജൂലൈ 3 വരെ ഓണ്ലൈനില് അപേക്ഷ സ്വീകരിക്കും. ഇതിനുള്ള മാര്ഗനിര്ദ്ദേശങ്ങള് വിജ്ഞാപനത്തിലുണ്ട്.
സെലക്ഷന് ടെസ്റ്റില് എന്ജിനീയറിങ് സ്ട്രീമിലും ജനറല് എബിലിറ്റിയിലും പ്രാവീണ്യമളക്കുന്ന ചോദ്യങ്ങളുണ്ടാവും. കേരളത്തില് തിരുവനന്തപുരം പരീക്ഷാകേന്ദ്രമാണ്. കൂടുതല് വിവരങ്ങള്ക്കും അപ്ഡേറ്റുകള്ക്കും വെബ്സൈറ്റ് സന്ദര്ശിക്കുക.
