കോഴിക്കോട്: സിപിഐഎം പാലക്കാട് ജില്ല കമ്മിറ്റി അംഗവും എസ്എഫ്ഐ മുന് സംസ്ഥാന സെക്രട്ടറി പിഎം ആര്ഷോയും എസ്എഫ്ഐ പ്രവര്ത്തകയായിരുന്ന കെ വിദ്യയും വിവാഹിതരാകാന് പോകുന്നു. കാസര്കോട് തൃക്കരിപ്പൂര് രജിസ്ട്രാര് ഓഫീസില് വെച്ച് ജൂണ് ഒന്നിന് തിങ്കളാഴ്ചയാണ് വിവാഹം.
എറണാകുളം മഹാരാജാസ് കോളേജിലെ ആര്ക്കിയോളജി ഇന്റഗ്രേറ്റഡ് വിഷയ വിദ്യാര്ഥിയായിരുന്നു ആര്ഷോ. പഠനകാലത്തുണ്ടായ ഒട്ടേറെ സംഭവങ്ങളുമായി ബന്ധപ്പെട്ട് ആര്ഷോ നിരന്തരം വിമര്ശനങ്ങള് നേരിട്ടിരുന്നു. കാസര്കോട് തൃക്കരിപ്പൂര് സ്വദേശിനിയായ വിദ്യ നിലവില് കാലടി സംസ്കൃത സര്കലാശാലയില് പിഎച്ച്ഡി ചെയ്യുകയാണ്.
അധ്യാപക ജോലിക്ക് വേണ്ടി വ്യാജരേഖ ചമച്ച കേസില് കെ വിദ്യ പ്രതിയായിരുന്നു. മഹാരാജാസ് കോളേജിലെ പഠനം പൂര്ത്തിയാക്കാതെയാണ് ആര്ഷോ ഇറങ്ങിയത്. മകന് ദീര്ഘനാളായി കോളേജില് എത്താതിരുന്നതിന് കാരണം കാണിക്കണമെന്ന് ആവശ്യപ്പെട്ട് കോളേജ് പ്രിന്സിപ്പാല് ആര്ഷോയുടെ പിതാവിന് നോട്ടീസിന് അയച്ചിരുന്നു. ഇതിന് പിന്നാലെ ആറാം സെമസ്റ്ററിന് ശേഷം എക്സിറ്റ് ഓപ്ഷന് എടുത്ത് ആര്ഷോ പഠമനം മതിയാക്കി.
