ആലപ്പുഴ:കാമുകനില് നിന്നാണ് ഗര്ഭിണിയായതെന്ന് നവജാത ശിശുവിനെ ശുചിമുറിയിലൂടെ പുറത്തെറിഞ്ഞ കേസിലെ പ്രതിയായ യുവതി.പിന്നീട് കാമുകനുമായി അകന്നുവെന്നും പറയുന്നു.
പൊലീസിന് നല്കിയ മൊഴിയിലാണ് യുവതി ഇക്കാര്യങ്ങള് പറഞ്ഞത്.ഹരിപ്പാട് താലൂക്ക് ആശുപത്രിയിലാണ് പ്രസവിച്ച ഉടനെ 19കാരി കുഞ്ഞിനെ ജനാലയിലൂടെ പുറത്തെറിഞ്ഞത്.
സംഭവത്തില് യുവതിക്കെതിരെ പൊലീസ് വധശ്രമത്തിന് കേസെടുത്തിട്ടുണ്ട്.അവിവാഹിതയായ യുവതി മാനഹാനി ഭയന്ന് കുട്ടിയെ കൊലപ്പെടുത്താന് ശ്രമിച്ചെന്നാണ് എഫ്ഐആര്.
യുവതി കൊച്ചിയിലെ സ്വകാര്യ സ്ഥാപനത്തില് ജോലി ചെയ്യുകയായിരുന്നു. അവധിക്ക് വീട്ടില് എത്തും. മകള് ഗര്ഭിണിയാണെന്ന കാര്യം മാതാപിതാക്കള് അറിഞ്ഞിരുന്നില്ല.തിങ്കളാഴ്ച രാത്രി ഒന്പതോടെ കടുത്ത വയറുവേദനയെ തുടര്ന്നാണ് യുവതി ആശുപത്രിയിലെത്തിയത്.
ആശുപത്രിയില് നിരീക്ഷണത്തില് ഇരിക്കെ പുലര്ച്ചെയോടെ ശുചിമുറിയില് കയറി യുവതി പ്രസവിച്ച ശേഷം കുഞ്ഞിന്റെ പൊക്കിള് കൊടി സ്വയം കൈകൊണ്ട് മുറിച്ചു മാറ്റി. ശുചിമുറിയുടെ ജനലിലൂടെ കുഞ്ഞിനെ പുറത്തേക്ക് എറിഞ്ഞു. കരച്ചില് കേട്ടെത്തിയ ആശുപത്രി ജീവനക്കാരാണ് കുഞ്ഞിനെ രക്ഷിച്ചത്.
തുടര്ന്ന് അമ്മയെയും കുഞ്ഞിനെയും വണ്ടാനം മെഡിക്കല് കോളേജ ആശുപത്രിയിലേക്ക് മാറ്റി.
