തിരുവനന്തപുരം: സിപിഎമ്മിനെ നശിപ്പിക്കുന്നത് തലപ്പത്തിരിക്കുന്ന ചിലരാണെന്നും അവര്ക്ക് പൈസയുണ്ടാക്കുക, ശാപ്പാടടിക്കുക, ലോകം ചുറ്റിസഞ്ചരിക്കുക എന്നീ ലക്ഷ്യങ്ങളേ ഉള്ളൂവെന്ന ജി. സുധാകരന്റെ വിമര്ശനം എം.എ. ബേബിയും വിജയരാഘവനും ഉള്പ്പെടെയുള്ള നേതാക്കളെ ഉദ്ദേശിച്ചുകൊണ്ടാണോ എന്ന ചോദ്യം സമൂഹമാധ്യമങ്ങളില് ഉയരുന്നു.
ഇപ്പോള് പൊളിറ്റ് ബ്യൂറോ ജനറല് സെക്രട്ടറിയായ, എം.എ. ബേബിയെ തെരഞ്ഞെടുപ്പുകളില് സ്ഥാനാര്ത്ഥിയായി മത്സരിക്കാനല്ലാതെ ജനകീയ സമരങ്ങളുടെ മുഖത്തോ, ജനങ്ങളുമായി ബന്ധപ്പെട്ട് പാര്ട്ടി കെട്ടിപ്പടുക്കുന്നതിലോ കാണാറില്ല എന്നാണ് വിമര്ശനം. കേരള വ്യാപാര വ്യവസായി ഏകോപനസമിതിയുടെ അമ്പലപ്പുഴ ടൗണ് യൂണിറ്റ് വാര്ഷിക പൊതുയോഗ വേദിയിലാണ് ജി. സുധാകരന് സിപിഎമ്മിനെ തകര്ക്കുന്ന നേതാക്കളെക്കുറിച്ച് പറഞ്ഞത്.
എ. വിജയരാഘവന് തനിക്കെതിരെ പ്രസംഗിച്ചതുകൊണ്ട് കൂടുതല് വോട്ട് കിട്ടി. ഞങ്ങള് ചേര്ന്നപ്പോഴുള്ള കമ്മ്യൂണിസ്റ്റ് പാര്ട്ടിയല്ല ഇപ്പോഴുള്ളത്. സിപിഎം സ്ഥാനാര്ത്ഥികള് ചിലയിടത്ത് ജയിച്ചെങ്കില് ഭാഗ്യമെന്നേ കരുതേണ്ടൂ.- ജി. സുധാകരന് പറഞ്ഞു.
