തിരുവനന്തപുരം: ഭരണം കിട്ടിയതോടെ അതിന്റെ തണലില് പകല് ലീഗും രാത്രി പോപ്പുലര് ഫ്രണ്ടും ആകാനുളള സൗകര്യമാണ് പലര്ക്കും ഒരുങ്ങിയിരിക്കുന്നതെന്ന് വിശ്വഹിന്ദുപരിഷത്ത് സംസ്ഥാന ജനറല് സെക്രട്ടറി അഡ്വ. അനില് വിളയില്.
ഹൈക്കമാന്റില് അത്രയും പിടിപാടുള്ള കെസി വേണുഗോപാലിന് ഈസിയായി മുഖ്യമന്ത്രിയാകായിരുന്നു. എന്നാല് ഇതിന് തടസ്സം നിന്നത് പ്രിയങ്ക ഗാന്ധിയാണ്. അവര്ക്ക് വയനാട്ടില് നിന്നും ലോക് സഭയിലേക്ക് ജയിക്കണം. അതിന് ലീഗിന്റെ പിന്തുണ വേണം.പ്രിയങ്കയുടെ പിടിവാശി കാരണമാണ് സതീശന് മുഖ്യമന്ത്രിയായത്. – അനില് വിളയില് പറഞ്ഞു.
ഇന്നുവരെ ആരും ഹിന്ദുവിന്റെ വോട്ട് വേണം എന്ന് പറഞ്ഞിട്ടില്ല. പക്ഷെ മുസ്ലിങ്ങളുടെ വോട്ട് വേണം, ക്രിസ്ത്യന് വോട്ട് വേണം. മുസ്ലിങ്ങള്ക്ക് പ്രാധാന്യമുള്ള കേരളത്തില് 38 നിയോജകമണ്ഡലങ്ങളില് 22 മുസ്ലിം എംഎല്എമാര് മാത്രം ജയിച്ചിട്ടുണ്ട്. – അനില് വിളയില് ചൂണ്ടിക്കാട്ടി.
മതമാണ് മതമാണ് മതമാണ് ഞങ്ങള്ക്ക് പ്രശ്നമെന്നും ഇപ്പോള് ഭരിയ്ക്കുന്നത് കഴിഞ്ഞ പത്ത് വര്ഷം ഭരണത്തില് ഇല്ലാതിരുന്നതിന്റെ നഷ്ടം നികത്താനുമാണെന്ന കെ. എം. ഷാജിയുടെ പ്രസംഗം പോലെയാണ് നാളെ കേരളത്തിന്റെ ഭാവി ആകാന് പോകുന്നത്. – അനില് വിളയില് പറയുന്നു.
