ആലപ്പുഴ: മുന് മുഖ്യമന്ത്രി പിണറായി വിജയന്റെ ഗണ്മാന്മാര് യൂത്ത് കോണ്ഗ്രസ് നേതാക്കളെ മര്ദിച്ച കേസില് എസ്ഐടി റിപ്പോര്ട്ട് ഡി ജി പിക്ക് കൈമാറി. മര്ദനം ചട്ട വിരുദ്ധമെന്നും ഗണ്മാന്മാര് ഇടപെടേണ്ട സാഹചര്യമില്ലായിരുന്നെന്നും റിപ്പോര്ട്ടില് പറയുന്നു. കുറ്റകൃത്യമായി കണക്കാക്കുമെന്നും വധശ്രമം ഉള്പ്പെടെയുള്ള കുറ്റങ്ങള് ബാധകമെന്നും റിപ്പോര്ട്ടിലുണ്ട്.
ഗണ്മാന്മാരുടെ മര്ദനത്തില്പ്രത്യേക അന്വേഷണ സംഘം നടപടികള് വേഗത്തിലാക്കിയിരുന്നു. പ്രധാനപ്പെട്ട ആളുകളുടെ മൊഴി രേഖപ്പെടുത്തല് പൂര്ത്തിയാക്കി.പിണറായിയുടെ അഞ്ച് സുരക്ഷാ ഉദ്യോഗസ്ഥരെ പ്രതിചേര്ത്ത് ആലപ്പുഴ മജിസ്ട്രേട്ട് കോടതിയില് നേരത്തേ സമര്പ്പിച്ചിട്ടുണ്ട്.ഇതിന് പിന്നാലെയാണ് ഇപ്പോള് വകുപ്പ് തല നടപടികള്ക്കായി ഇപ്പോള് ഡി ജി പിക്ക് റിപ്പോര്ട്ട് കൈമാറിയത്.
സാക്ഷികളും ഇരകളുമടക്കം ഇരുപതോളം പേരുടെ മൊഴി രേഖപ്പെടുത്തി. ഇനി ചോദ്യം ചെയ്യാനുള്ളത് പ്രതികളായ അഞ്ച് പേരെയാണ്.ആലപ്പുഴ ജില്ലാ സെഷന്സ് കോടതി ചൊവ്വാഴ്ച ഇവരുടെ മുന്കൂര് ജാമ്യ അപേക്ഷ പരിഗണിച്ച ശേഷം എസ്ഐടി നോട്ടീസ് നല്കി വിളിപ്പിക്കും.
യൂത്ത് കോണ്ഗ്രസ് നേതാക്കളെ മര്ദിച്ചത് ചൂരല് വടി ഉപയോഗിച്ചാണ്. ഇത് പൊലീസ് വകുപ്പ് അനുവദിച്ച ആയുധമല്ല. സുരക്ഷാസംഘം സദാസമയം വിഐപികള്ക്ക് ഒപ്പമുണ്ടാകണമെന്ന ചട്ടം പ്രതിഷേധക്കാരെ മര്ദിക്കാന് പോയപ്പോള് ലംഘിക്കപ്പെട്ടെന്നും എസ്ഐടി റിപ്പോര്ട്ടില് പറയുന്നുണ്ട്. ഉന്നത പൊലീസ് ഉദ്യോഗസ്ഥന് ഇടപെട്ട് ആദ്യ കേസ് ഡയറി തിരുത്തിച്ച സംഭവത്തില് പ്രത്യേക കേസെടുക്കാനുള്ള അനുമതി തേടിയിട്ടുണ്ട് അന്വേഷണ സംഘം.
