കേരളത്തിലെ എഐസിടിഇ അംഗീകൃത സ്ഥാപനങ്ങളില്‍ എംസിഎ പ്രവേശനം; അപേക്ഷ നാളെ വരെ

വിശദവിവരങ്ങള്‍: www.lbscentre.kerala.gov.in- ല്‍
യോഗ്യത- 50 ശതമാനം മാര്‍ക്കോടെ ബിരുദം (സംവരണ വിഭാഗങ്ങള്‍ക്ക് 45% മതി)
അവസാനവര്‍ഷ ബിരുദ വിദ്യാര്‍ത്ഥികള്‍ക്കും അപേക്ഷിക്കാം
സെലക്ഷന്‍ പ്രവേശന പരീക്ഷയുടെ അടിസ്ഥാനത്തില്‍

കേരളത്തിലെ എഐസിടിഇ അംഗീകൃത കോളജ്/സ്ഥാപനങ്ങളില്‍ 2026-27 വര്‍ഷത്തെ മാസ്റ്റര്‍ ഓഫ് കമ്പ്യൂട്ടര്‍ ആപ്ലിക്കേഷന്‍ റഗുലര്‍ കോഴ്‌സ് പ്രവേശനത്തിന് ഓണ്‍ലൈനില്‍ മെയ് 26 വരെ അപേക്ഷിക്കാം. 50 ശതമാനം മാര്‍ക്കില്‍ കുറയാതെ അംഗീകൃത സര്‍വ്വകലാശാല ബിരുദമുള്ളവര്‍ക്കാണ് അവസരം. (സംവരണ വിഭാഗങ്ങള്‍ക്ക് 45% മാര്‍ക്ക് മതി). അവസാനവര്‍ഷ ബിരുദ വിദ്യാര്‍ത്ഥികളെയും പരിഗണിക്കും. അഡ്മിഷന്‍ സമയത്ത് യോഗ്യതാ സര്‍ട്ടിഫിക്കറ്റ് ഹാജരാക്കണം. വിശദവിവരങ്ങള്‍ www.lbscentre.kerala.gov.in- ല്‍ ലഭിക്കും. അപേക്ഷകര്‍ പ്ലസ്ടു/ബിരുദ തലത്തില്‍ മാത്തമാറ്റിക്‌സ് പഠിച്ചിട്ടുള്ളത് അഭികാമ്യം.

അപേക്ഷാ ഫീസ്: 1300 രൂപ. പട്ടികജാതി/വര്‍ഗ്ഗ വിഭാഗങ്ങള്‍ക്ക് 650 രൂപ. ഫീസ് ഓണ്‍ലൈനായി അടയ്‌ക്കാം. നിര്‍ദേശങ്ങള്‍ പാലിച്ച് ഒറ്റതവണ രജിസ്റ്റര്‍ ചെയ്ത് വേണം അപേക്ഷിക്കേണ്ടത്. അപേക്ഷയിലെ വിവരങ്ങള്‍ കൃത്യമായിരിക്കണം. അപേക്ഷാ സമര്‍പ്പണം പൂര്‍ത്തിയാക്കി പ്രിന്റ് എടുത്ത് റഫറന്‍സിനായി സൂക്ഷിക്കണം.

പ്രവേശന പരീക്ഷയുടെ അടിസ്ഥാനത്തിലാണ് തെരഞ്ഞെടുപ്പ്. പരീക്ഷാ തീയതി പിന്നീട് അറിയിക്കും. കോഴിക്കോട്, എറണാകുളം, തിരുവനന്തപുരം എന്നിവിടങ്ങളില്‍ പരീക്ഷാകേന്ദ്രങ്ങളുണ്ടാവും.

പ്രവേശന പരീക്ഷയില്‍ മാത്തമാറ്റിക്‌സ്, സ്റ്റാറ്റിസ്റ്റിക്‌സ്, കമ്പ്യൂട്ടര്‍ സയന്‍സ്, ക്വാണ്ടിറ്റേറ്റീവ് ആപ്ടിട്യൂഡ്, ലോജിക്കല്‍ എബിലിറ്റി, ഇംഗ്ലീഷ്, പൊതുവിജ്ഞാനം എന്നിവയില്‍ ഒബ്ജക്ടീവ് മാതൃകയിലുള്ള 120 ചോദ്യങ്ങളുണ്ടാവും. 120 മാര്‍ക്കിനാണ് പരീക്ഷ. രണ്ട് മണിക്കൂര്‍ സമയം ലഭിക്കും.
റാങ്ക് നേടുന്നവര്‍ക്ക് കോളജ്/സ്ഥാപന ഓപ്ഷനുകള്‍ രജിസ്റ്റര്‍ ചെയ്യുന്നതിന് പിന്നീട് അവസരമുണ്ട്. റാങ്കും ഓപ്ഷനും പരിഗണിച്ചായിരിക്കും സീറ്റ് അലോട്ട്‌മെന്റ്. കോളജുകള്‍, കോഴ്‌സ്, സീറ്റുകള്‍, നിലവിലെ ട്യൂഷന്‍ ഫീസ്, സ്‌പെഷ്യല്‍ ഫീസ് മുതലായ വിവരങ്ങള്‍ വെബ്‌സൈറ്റിലുണ്ട്.

ഗവണ്‍മെന്റ് മെരിറ്റ് സീറ്റുകള്‍ക്ക് പുറമെ എയിഡഡ്/സ്വാശ്രയ കോളജുകളില്‍ മാനേജ്‌മെന്റ് സീറ്റുകളും ലഭിക്കും. കൂടുതല്‍ വിവരങ്ങള്‍ക്കും അപ്‌ഡേറ്റുകള്‍ക്കും വെബ്‌സൈറ്റ് സന്ദര്‍ശിക്കേണ്ടതാണ്.