കൊല്ലം: പുതിയ അദ്ധ്യയന വര്ഷം ആരംഭിക്കാന് ഒരുക്കങ്ങള് നടത്തുന്ന വിദ്യാഭ്യാസ വകുപ്പും സര്ക്കാരും ചുവപ്പുനാടയില് കെട്ടിയിരിക്കുന്ന സ്കൂള് ലൈബ്രറികളിലെ ലൈബ്രേറിയന് തസ്തികയുടെ കാര്യത്തില് എ് തീരുമാനം എടുക്കുമെന്ന ആശങ്ക തുടരുകയാണ്. എല്ലാ സ്കൂളുകളിലും ലൈബ്രറികളും ലൈബ്രേറിയനും വേണമെന്ന ആവശ്യം ഫയലില് തന്നെ ഉറങ്ങാന് തുടങ്ങിയിട്ട് 25 വര്ഷം കഴിഞ്ഞു. പുതിയ അദ്ധ്യയന വര്ഷം ആരംഭിക്കുന്നതിന് മുന്നോടിയായി സ്കൂളുകളിലെ ഭൗതിക സാഹചര്യങ്ങള് വിലയിരുത്താന് എത്തുന്ന വിദ്യാഭ്യാസ വകുപ്പ് ഉദ്യോഗസ്ഥര് സ്കൂള് മൈതാനത്തിന്റെ കണക്ക് വരെ നോക്കി പോകുമ്പോള് പൊതു വിദ്യാലയങ്ങളില് കാര്യക്ഷമമായ ലൈബ്രറികള് ഉണ്ടോയെന്ന് ശ്രദ്ധിക്കാറില്ലെന്നാണ് ഉയരുന്ന ആക്ഷേപം.
ലൈബ്രേറിയന് തസ്തികകളില് യോഗ്യതയുള്ള ഉദ്യോഗാര്ത്ഥികളുടെ നിയമനം ഇപ്പോഴും വെള്ളത്തില് വരച്ച വരപോലെയാണ്. വര്ഷങ്ങളായി ചുവപ്പുനാടയില് കെട്ടിയിരിക്കുന്ന ഹയര് സെക്കന്ററി സ്കൂള് ലൈബ്രറികളിലെ ലൈബ്രേറിയന് തസ്തികയുടെ കാര്യത്തില് സര്ക്കാരും, വിദ്യാഭ്യാസ വകുപ്പും അദ്ധ്യാപകര്ക്ക് ചുമതല നല്കി ഉത്തരവ് ഇറക്കിയതോടെ നിരവധി ചോദ്യങ്ങളാണ് ഉയരുന്നത്. സ്കൂളുകളില് വായനയ്ക്ക് ഗ്രേസ് മാര്ക്ക് നല്കുമെന്ന് കഴിഞ്ഞ മന്ത്രിസഭയിലെ വിദ്യാഭ്യാസ മന്ത്രിയുടെ പ്രഖ്യാപനങ്ങള്ക്ക് പിന്നാലെയാണ് അദ്ധ്യാപകര്ക്ക് ലൈബ്രറി ചുമതല നല്കിയത്. എന്നാല് അദ്ധ്യാപകര്ക്ക് എത്രമാത്രം ലൈബ്രറിയുടെ ചുമതല നിര്വഹിക്കാന് കഴിയുമെന്ന ചോദ്യം പല കോണുകളില് നിന്ന് ഉയരുകയാണ്.
സ്കൂള് ലൈബ്രറികളുടെ പ്രവര്ത്തനം കാര്യക്ഷമമായി നടക്കുന്നുണ്ടോ എന്ന് തിരക്കാനും വിദ്യാഭ്യാസ വകുപ്പ് തയാറാകുന്നില്ലെന്ന ആക്ഷേപവും വര്ഷങ്ങളായി ശക്തമാണ്. കേരളത്തിന് പുറത്തും വിദേശങ്ങളിലും ലൈബ്രറികളുടെ പ്രവര്ത്തനത്തിന് ലൈബ്രറികളും ലൈബ്രേറിയന് തസ്തികയും നിലവിലുള്ളപ്പോള് കേരളത്തിലെ പൊതു വിദ്യാലയങ്ങളില് മാത്രം ലൈബ്രേറിയന് തസ്തികയില് യോഗ്യരായ ജീവനക്കാരെ നിയമിക്കാതെ അദ്ധ്യാപകരുടെ തലയില് ലൈബ്രറി എന്ന അധിക ജോലി കെട്ടിവെച്ച് സര്ക്കാരും, വിദ്യാഭ്യാസ വകുപ്പും സ്കൂള് ലൈബ്രറിയും, ലൈബ്രേറിയനും എന്ന വിഷയത്തെ ലഘൂകരിക്കുന്നുവെന്ന് ആക്ഷേപം ഉയരുന്നു.
സാമ്പത്തിക പ്രതിസന്ധിയെന്ന് ന്യായം
ലൈബ്രേറിയന് തസ്തികയില് നിയമനത്തിന് സാമ്പത്തിക പ്രതിസന്ധിയെന്നാണ് സര്ക്കാര് ന്യായം. സ്ഥിരം ജീവനക്കാരായി മുഴുവന് സമയ ലൈബ്രേറിയന് എന്ന ആവശ്യം തള്ളിയ വിദ്യാഭ്യാസ വകുപ്പ് അദ്ധ്യാപകരുടെ ലൈബ്രറി ചുമതല കൊണ്ട് എന്താണ് ഉദ്ദേശിക്കുന്നതെന്ന ചോദ്യം ബാക്കിയാണ്.
സംസ്ഥാനത്ത് പൊതുവിദ്യാഭ്യാസ വകുപ്പിന് കീഴിലുള്ള സര്ക്കാര്, എയ്ഡഡ് സ്കൂളുകളില് പ്ലസ്വണ് പ്രവേശന സമയത്ത് ലൈബ്രേറിയന് സേവനം നല്കാതെ ലൈബ്രറി ഫീസ് സര്ക്കാര് ഈടാക്കുന്നതിലും വിമര്ശനമുയര്ന്നിട്ടുണ്ട്. സര്ക്കാര്, എയ്ഡഡ്, ഹയര് സെക്കന്ഡറി സ്കൂളുകളില് പ്ലസ്വണ് പ്രവേശനം നേടുന്ന ഓരോ വിദ്യാര്ത്ഥിയും ലൈബ്രറി ഫീസായി 25 രൂപ നല്കണം. സ്കൂള് ലൈബ്രേറിയന്റെ സേവനം നല്കാതെയാണ് വിദ്യാഭ്യാസ വകുപ്പ് വര്ഷങ്ങളായി ലൈബ്രറി ഫീസ് പിരിച്ചു വരുന്നത്. 9, 10 ക്ലാസിലെ കുട്ടികള് സര്ക്കാരിന് അടയ്ക്കേണ്ട സ്പെഷല് ഫീസ് തുകയില് 3.25 പൈസ ലൈബ്രറി ഫീസാണ്.
2015ലെ കോടതി ഉത്തരവ് പ്രകാരമാണ് 10,000 പുസ്തകങ്ങളുള്ള ഹയര് സെക്കന്ഡറി സ്കൂളുകള്ക്ക് ലൈബ്രേറിയനെ അനുവദിക്കാമെന്ന് വിദ്യാഭ്യാസ വകുപ്പ് ചട്ടമുണ്ടാക്കിയത്. എന്നാല് ഇത് ഇതുവരെ പ്രാവര്ത്തികമായിട്ടില്ല.
ജന്മഭൂമി ഓണ്ലൈന്