ലണ്ടന്: ഇംഗ്ലീഷ് പ്രീമിയര് ലീഗ് സീസണിലെ ഏറ്റവും മികച്ച താരമായി മാഞ്ചസ്റ്റര് യുണൈറ്റഡിന്റെ മദ്ധ്യനിരതാരം ബ്രൂണോ ഫെര്ണാണ്ടസ് തെരഞ്ഞെടുക്കപ്പെട്ടു.
സീസണ് പകുതിയെത്തിയതിന് ശേഷം ഇടക്കാല കോച്ചായി നിയോഗിക്കപ്പെട്ട മൈക്കല് കാരിക്കിന് കീഴില് യുണൈറ്റഡ് വന് കുതിപ്പാണ് നടത്തിയത്. ഈ മുന്നേറ്റത്തില് നിര്ണായക പങ്കാണ് ബ്രൂണോ ഫെര്ണാണ്ടസില് നിന്നുണ്ടായത്. 20 അസിസ്റ്റുകളാണ് താരത്തില് നിന്നും ഉണ്ടായിട്ടുള്ളത്. പ്രീമിയര് ലീഗ് ചരിത്രത്തില് ഇത്രയും അസിസ്റ്റുകള് നല്കിയത് രണ്ടേ രണ്ടുപേര് മാത്രമാണ്. ആഴ്സണലിനായി ഇതിഹാസ താരം തിയറി ഹെന്റി, മാഞ്ചസ്റ്റര് സിറ്റിക്കായി കെവിന് ഡി ബ്രൂയിനെ എന്നിവര്.
വര്ഷങ്ങളായി നിറം മങ്ങിയ യുണൈറ്റഡ് സീസണ് അവസാനിക്കുമ്പോള് പ്രീമിയര് ലീഗ് പട്ടികയില് മൂന്നാം സ്ഥാനക്കാരായണ് ഫിനിഷ് ചെയ്തിട്ടുള്ളത്. സീസണിലെ മികച്ച ഫുട്ബോളറായി ബ്രൂണോ തെരഞ്ഞെടുക്കപ്പെടാന് നിരവധി പേരുമായി മത്സരം വേണ്ടിവന്നു. പ്രീമിയര് ലീഗ് ടൈറ്റില് ജേതാക്കളായ അഴ്സണലിന്റെ ഗബ്രിയേല്, ഡേവിഡ് റായ, ഡെക്ലാന് റൈസ് മാഞ്ചസ്റ്റര് സിറ്റിയുടെ എര്ലിങ് ഹാളണ്ട്, അന്റോയിന് സെമെന്യോ, നോട്ടിങ്ങാം ഫോറസ്റ്റിന്റെ മോര്ഗന് ഗിബ്സ്-വൈറ്റ്, ബ്രെന്റണ് ഫോര്ഡ് സ്ട്രൈക്കര് ഇഗോര് തിയാഗോ എന്നിവരും മത്സര രംഗത്തുണ്ടായിരുന്നു. സീസണില് ഉടനീളം 132 അവസരങ്ങളാണ് പോര്ച്ചുഗല് താരം ബ്രൂണോ ഫെര്ണാണ്ടസ് ഒരുക്കിയത്. ഈ മാസം ആദ്യം ഫുട്ബോല് ലേഖകരുട അസോസിയേഷന് ഈ വര്ഷത്തെ മികച് താരമായി തെരഞ്ഞെടുത്തത് ഫെര്ണാണ്ടസിനെ ആയിരുന്നു.
