പാരീസ്: ഫ്രഞ്ച് കപ്പ് ഫൈനലില് നൈസിനെ 3-1ന് കീഴടക്കി ലെന്സ് കിരീടം നേടി. ചരിത്രത്തില് ആദ്യമായാണ് ലെന്സിന്റെ ഫ്രഞ്ച് കപ്പ് നേട്ടം. ഫ്രഞ്ചുരാനായ പിയെറെ സെയ്ജിന് കീഴില് ടീം സീസണില് അത്യുഗ്രന് മുന്നേറ്റമാണ് കാഴ്ച്ചവച്ചിരിക്കുന്നത്.
ഫ്രഞ്ച് ലിഗ് വണില് ജേതാക്കളായ പിഎസ്ജിക്ക് തൊട്ടുപിന്നില് രണ്ടാം സ്ഥാനക്കാരായി ഫിനിഷ് ചെയ്തത് ലെന്സ് ആണ്. ഇതോടെ വമ്പന്മാരെ മറികടന്ന് വരും സീസണ് യുവേഫ ചാമ്പ്യന്സ് ലീഗ് പോരാട്ടത്തിന് യോഗ്യത നേടാനും സീമിന് സാധിച്ചു.
നൈസിനെതിരായ ഫൈനലില് ആദ്യ പകുതിയില് രണ്ടും രണ്ടാം പകുതിയില് ഒരു ഗോളുമാണ് ലെന്സ് നേടിയത്. 24-ാം മിനിറ്റില് ഫ്ളോറിയന് തൗവിന് ഗോള് നേടിയപ്പോള് 41-ാം മിനിറ്റില് ഓഡ്സോണ് എഡ്വാര്ഡ് ലീഡ് ഇരട്ടിപ്പിച്ചു. പക്ഷെ ആദ്യ പകുതി പിരിയും മുമ്പേ ഡൈബ്രില് കോലിബാലിയിലൂടെ നൈസ് ഗോള് മടക്കി. എങ്കിലും മത്സരത്തിലുടനീളം ആധിപത്യം പുലര്ത്തിയ ലെന്സിന് കാര്യമായ വെല്ലുവിളിയുയര്ത്താന് നൈസിന് സാധിച്ചില്ല. ഒടുവില് മത്സരം 78-ാം മിനിറ്റില് പുരോഗമിക്കുമ്പോള് അബ്ദല്ലാ സിമയിലൂടെ ലെന്സ് മൂന്നാം ഗോളും നേടി.
