കൊച്ചി: 66ാം പിറന്നാള്‍ ആഘോഷിക്കുമ്പോഴും സൂപ്പര്‍ ഡ്യൂപ്പ് ഹിറ്റ് സ്വന്തം ചെലവില്‍ നല്‍കുന്ന അത്ഭുത നടന്‍. അതാണ് മോഹന്‍ലാല്‍. റിലീസ് ചെയ്ത് വെറും 58 മണിക്കൂറുകള്‍ക്കുള്ളില്‍ ദൃശ്യം 3 100 കോടി ക്ലബ്ബില്‍ കയറിയിരിക്കുന്നു.
2013 മുതൽ മലയാളി പ്രേക്ഷകരുടെ കൂടെയുള്ള കുടുംബം; അതാണ് ജോർജ് കുട്ടിയും റാണിയും മക്കളും. ആദ്യ രണ്ടു കടമ്പകളും കടന്ന അവർ മൂന്നാം വട്ടവും കാണികളുടെ സ്നേഹം ഏറ്റുവാങ്ങാൻ എത്തിയപ്പോള്‍ മലയാളികള്‍ നിരാശപ്പെടുത്തിയില്ല.
.ദൃശ്യം 3 (Drishyam 3) തിയേറ്ററിൽ റിലീസ് ചെയ്തതിന്റെ ആവേശത്തിലാണ് കാണികൾ. തിയറ്ററുകളില്‍ ജനം തിക്കിത്തിരക്കുകയാണ്. ഏവരും. ജീത്തു ജോസഫ് സംവിധാനം ചെയ്ത ചിത്രത്തിൽ ജോർജ് കുട്ടിയായി മോഹൻലാൽ, റാണിയായി മീന, മക്കളായ അഞ്ചുവായി അൻസിബ ഹസൻ, അനു എന്ന കഥാപാത്രമായി എസ്തർ അനിൽ എന്നിവർ വേഷമിടുന്നു. ആശ ശരത്തും സിദ്ധിഖുമാണ് മറ്റു സുപ്രധാന കഥാപാത്രങ്ങളെ അവതരിപ്പിക്കുന്നത്
