ഡോ. മനീഷ വി. രമേശ്, ഡോ. സയീദ് ബിന് ഹമദ് ബിന് സയീദ് അല്-റുബൈയി എന്നിവര് ചേര്ന്ന് ധാരണാപത്രം കൈമാറുന്നു
കരുനാഗപ്പള്ളി: അന്താരാഷ്ട്ര അക്കാദമിക് മികവ് പ്രോത്സാഹിപ്പിക്കുന്നതിനുള്ള ചുവടുവെപ്പായി ഒമാന് സുല്ത്താനേറ്റിലെ യൂണിവേഴ്സിറ്റി ഓഫ് ടെക്നോളജി ആന്ഡ് അപ്ലൈഡ് സയന്സസും (യുടിഎഎസ്) അമൃത വിശ്വവിദ്യാപീഠവും സഹകരിച്ച് പ്രവര്ത്തിക്കാന് ധാരണയായി. യുടിഎഎസ്സിലെ ഉന്നതതല പ്രതിനിധി സംഘത്തിന്റെ സന്ദര്ശനത്തിലാണ് ഇതുസംബന്ധിച്ച ധാരണാപത്രം ഒപ്പുവച്ചത്. അമൃത വിശ്വവിദ്യാപീഠം പ്രോ-വൈസ് ചാന്സലര് ഡോ. മനീഷ. വി. രമേശ്, യുടിഎഎസ് മുസന്ദം വൈസ് ചാന്സലര് ഡോ. സയീദ് ബിന് ഹമദ് ബിന് സയീദ് അല്-റുബൈയി എന്നിവരാണ് ധാരണാപത്രത്തില് ഒപ്പുവെച്ചത്.
യുടിഎഎസ് മുസന്ദം അസിസ്റ്റന്റ് വൈസ് ചാന്സലര് ഡോ. അഹമ്മദ് ബിന് സയീദ് ബിന് അഹമ്മദ് അല്-ഷഹ്രി, റിസര്ച്ച് ആന്റ് കണ്സള്ട്ടന്സി വകുപ്പ് മേധാവി ഡോ. കൃഷ്ണപ്രിയ ഗോഡ്വിന് ആനന്ദ്, വൈസ് ചാന്സലര് ഓഫീസ് ഡയറക്ടര് ഡോ. മുഹമ്മദ് ബിന് മുബാറക് ബിന് മുഹമ്മദ് അല്-അറാമി, ഫോളോ-അപ്പ് സെക്ഷന് മേധാവി ഫരീദ് ബിന് മുഹമ്മദ് ബിന് അബ്ദുള്ള അല്-ജലന്ദാനി എന്നിവരാണ് ഉന്നതതല പ്രതിനിധി സംഘത്തിലുണ്ടായത്. എഞ്ചിനീയറിങ്, സാങ്കേതികവിദ്യ, അപ്ലൈഡ് സയന്സ് എന്നീ മേഖലകളില് സംയുക്ത ഗവേഷണ സംരംഭങ്ങള്, അക്കാദമിക് മൊബിലിറ്റി, പ്രത്യേക പാഠ്യപദ്ധതി രൂപകല്പ്പന എന്നിവയിലാണ് ഇരുപക്ഷവും പ്രധാനമായും സഹകരിക്കുക. ആശയങ്ങളെ പ്രായോഗിക പരിഹാരങ്ങളാക്കി മാറ്റാന് കഴിയുന്ന ഒരു ആവാസവ്യവസ്ഥ സൃഷ്ടിക്കുകയാണ് ഇതിന്റെ ലക്ഷ്യമെന്നും സര്വ്വകലാശാലാ അധികൃതര് അറിയിച്ചു.
സന്ദര്ശനത്തിന്റെ ഭാഗമായി പ്രതിനിധി സംഘം അമൃതയുടെ കോയമ്പത്തൂര്, അമൃതപുരി ക്യാമ്പസുകളും അമൃത മള്ട്ടി-സ്പെഷാലിറ്റി ആശുപത്രിയും സന്ദര്ശിച്ചു. ക്യാമ്പസില് പ്രവര്ത്തിക്കുന്ന ലാന്ഡ്സ്ലൈഡ് ലാബ്, ഫ്ലെക്സിബിള് ഇലക്ട്രോണിക്സ് ലാബ്, അമ്മച്ചി ലാബ്സ്, ബയോടെക്നോളജി ലാബ്സ്, എയ്റോസ്പേസ് എഞ്ചിനീയറിങ് ഗവേഷണ ലാബുകള് തുടങ്ങി അമൃതയുടെ അത്യാധുനിക സൗകര്യങ്ങളും വിലയിരുത്തിയ ശേഷമാണ് സംഘം മടങ്ങിയത്.
