തിരുവനന്തപുരം: കേരളത്തില് യുഡിഎഫ് സര്ക്കാര് അധികാരത്തിലെത്തുകയും സണ്ണിജോസഫ് മന്ത്രിയാവുകയും ചെയ്തതോടെ കെപിസിസി അധ്യക്ഷ സ്ഥാനത്തേക്ക് പുതിയ നേതാവിനെ കണ്ടെത്താനുള്ള ചര്ച്ചകള് കോണ്ഗ്രസില് സജീവമാകുന്നു.മൂന്ന് നേതാക്കളുടെ പേരുകളാണ് ഹൈക്കമാന്ഡിന്റെയും സംസ്ഥാന നേതൃത്വത്തിന്റെയും സജീവ പരിഗണനയിലുള്ളതെന്നാണ് വിവരം.
കൊടിക്കുന്നില് സുരേഷ്, ബെന്നി ബഹനാന്, ജോസഫ് വാഴക്കന് എന്നിവരാണ് അധ്യക്ഷ സ്ഥാനത്തേക്ക് പ്രധാനമായും പരിഗണിക്കപ്പെടുന്നത്.കൊടിക്കുന്നില് സുരേഷ് ദല്ഹിയില് എ ഐ സി സി അധ്യക്ഷന് മല്ലികാര്ജുന് ഖാര്ഗെയെ കണ്ട് തന്റെ ആഗ്രഹം അറിയിച്ചു.
ചാലക്കുടി എംപി ബെന്നി ബഹനാനെ പിന്തുണച്ച് കോണ്ഗ്രസിലെ ‘എ’ വിഭാഗം ശക്തമായി രംഗത്തുണ്ട്.ജോസഫ് വാഴക്കന് വേണ്ടി രമേശ് ചെന്നിത്തലയുടെ നേതൃത്വത്തിലുള്ള വിഭാഗവും സമ്മര്ദം ചെലുത്തുന്നുണ്ട്.കെപിസിസി അധ്യക്ഷനെ തെരഞ്ഞെടുക്കുന്നതിനൊപ്പം സംസ്ഥാനത്തെ ഏഴ് ഡിസിസി അധ്യക്ഷന്മാരെ മാറ്റാന് തീരുമാനമുണ്ട്.
അതേസമയം, അടൂര് പ്രകാശ് എം പിയും മുന് മന്ത്രി വി എസ് ശിവകുമാറും കെ പി സി സി അധ്യക്ഷ പദവിക്കായി രംഗത്തുണ്ട്.
ദല്ഹിയില് നടക്കുന്ന ഹൈക്കമാന്ഡ് ചര്ച്ചകളില് മുഖ്യമന്ത്രി വി.ഡി. സതീശന് തന്റെ അഭിപ്രായം അറിയിക്കും.കെ സി വേണുഗോപാലിന്റെ അഭിപ്രായവും പ്രധാനമാണ്.
