തിരുവനന്തപുരം: തകര്ച്ചയിലായ ആശുപത്രികള് നവീകരിക്കും, ചരിത്രപ്രസിദ്ധമായ തിരുവല്ലം പരശുരാമസ്വാമി ക്ഷേത്രം പുനരുദ്ധരിക്കും എന്നിങ്ങനെ മന്ത്രിയുടെ പ്രഖ്യാപനത്തെ സ്വാഗതം ചെയ്യുന്നതായി ബി ജെ പി സംസ്ഥാന അധ്യക്ഷന് രാജീവ് ചന്ദ്രശേഖര്.
എന്നാല് വെറും വ്യാജ വാഗ്ദാനങ്ങള് മാത്രം നല്കിയുള്ള കോണ്ഗ്രസ് ചരിത്രം വച്ചുനോക്കുമ്പോള്, മലയാളികള് ഇതില് സംശയം പ്രകടിപ്പിച്ചാല് അവരെ തെറ്റു പറയാനാകില്ലെന്നും അദ്ദേഹംചൂണ്ടിക്കാട്ടി.പ്രഖ്യാപനങ്ങള് നടത്താന് എളുപ്പമാണ്. അത് പ്രാവര്ത്തികമാക്കുക എന്നതാണ് പ്രധാനം.
എന്നാല് ഇത്തവണ സിപിഎം മാത്രമല്ല, ബിജെപി-എന്ഡിഎ സഖ്യവും ശക്തമായ പ്രതിപക്ഷമായി രംഗത്തുണ്ട്.അഴിമതികളും ഭരണപരാജയങ്ങളും പരസ്പരം മൂടിവച്ച്, തങ്ങളെ വിശ്വസിച്ച ജനങ്ങളെ ഇത്രയും കാലം വിഡ്ഢികളാക്കിയ കോണ്ഗ്രസ്-സിപിഎം ഒത്തുകളിയുടെ ആ പഴയ നാളുകള് ഇനി പറ്റില്ല.വെറും പത്രക്കുറിപ്പുകള് മാത്രം ഇറക്കി ഇനി സര്ക്കാരിന് രക്ഷപ്പെടാനാകില്ല.
യുഡിഎഫ് സര്ക്കാരിനെക്കൊണ്ട് ഓരോ കാര്യത്തിനും കൃത്യമായി മറുപടി പറയിപ്പിക്കും. വികസിത നേമം, വികസിത തിരുവനന്തപുരം, വികസിത കേരളം എന്നിവ തങ്ങളെ സംബന്ധിച്ച് വെറും മുദ്രാവാക്യങ്ങള് മാത്രമല്ലെന്നും തങ്ങളുടെ ലക്ഷ്യമാണ് എന്നും രാജീവ് ചന്ദ്രശേഖര് ഫേസ്ബുക്കില് കുറിച്ചു.
