തൃശൂര്: മുണ്ടത്തിക്കോട് വെടിക്കെട്ടപകടത്തില് സ്വമേധയാ കേസെടുത്ത് ഹൈക്കോടതി. കൊച്ചിന് ,തിരുവമ്പാടി പാറമേക്കാവ് ദേവസ്വം ബോര്ഡുകള്ക്കും സര്ക്കാരിനും നോട്ടീസ് അയച്ചു. ജൂണ് 16 നകം വിശദീകരണം നല്കണമെന്നാണ് ആവശ്യപ്പെട്ടിട്ടുളളത്.
ചീഫ് ജസ്റ്റിസ് അധ്യക്ഷനായ ഡിവിഷന് ബഞ്ചിന്റേതാണ് നടപടി.ഏപ്രില് 21നാണ് മുണ്ടത്തിക്കോട് വയലിലെ വെടിക്കെട്ടുപുരയില് വന് പൊട്ടിത്തെറിയും തീപ്പിടുത്തവുമുണ്ടായത്.
തൃശൂര് പൂരത്തിന് തിരുവമ്പാടി വിഭാഗത്തിന് വേണ്ടി വെടിക്കോപ്പുകള് നിര്മിക്കുന്നതിനിടെയായിരുന്നു സ്ഫോടനം. കരാറുകാരന് സതീഷ് ഉള്പ്പെടെ 17 പേരാണ് മരിച്ചത്. അപകടത്തെ തുടര്ന്ന് ഇത്തവണ തൃശൂര് പൂരത്തില് വെടിക്കെട്ട് ഒഴിവാക്കി നിയന്ത്രിത രീതിയിലായിരുന്നു ആഘോഷം.
