കൊച്ചി : മോഡലിംഗിന്റെ മറവില് മനുഷ്യക്കടത്ത് നടത്തുന്ന സംഘത്തിലെ രണ്ട് യുവതികള് അറസ്റ്റിലായി.മോഡലിംഗിനെന്ന വ്യാജേന യുവതികളെ ഗള്ഫ് രാജ്യങ്ങളില് എത്തിച്ച് പലര്ക്കായി കാഴ്ചവയ്ക്കുകയായിരുന്നു.വന് സെക്സ് റാക്കറ്റാണ് ഇതിന് പിന്നിലെന്നാണ് വിവരം. മരട് പൊലീസ് രജിസ്റ്റര് ചെയ്ത കേസില് ആണ് അറസ്റ്റ്.
പ്രധാനകണ്ണികളായ സിന്ധു, അലീന എന്നിവരാണ് പിടിയിലായത്. നേരത്തെ ക്രിമിനല് കേസില് അറസ്റ്റിലായ അലീനക്ക് ഗുണ്ടാ സംഘങ്ങളുമായി അടുത്ത ബന്ധമുണ്ടെന്നാണ് വിവരം.
മോഡലിംഗിന് വിദേശത്ത് അവസരമുണ്ടെന്ന് പറഞ്ഞ് യുവതികളെ അവിടങ്ങളില് എത്തിച്ച് ലഹരി മരുന്ന് നല്കി പീഡനത്തിന് ഇരയാക്കും.ഇതിന്റെ ചിത്രങ്ങളെടുത്ത് ഭീഷണിപ്പെടുത്തി സെക്സ് റാക്കറ്റിന്റെ ഭാഗമാക്കുന്ന രീതിയാണ് സംഘം പിന്തുടര്ന്നിരുന്നത്.
പരാതിക്കാരുടെ രഹസ്യമൊഴിയുടെ അടിസ്ഥാനത്തില് അഞ്ച് പേരാണ് പ്രാഥമിക പ്രതി പട്ടികയില് ഉള്ളത്.
മൂന്ന് യുവതികളാണ് പരാതിയുമായി രംഗത്തെത്തിയത്.ഇവരുടെ മൊഴി പ്രകാരമാണ് അറസ്റ്റ്. കൂടുതല് ഇരകളുണ്ടെന്നാണ് പൊലീസ് പറയുന്നത്. പലരുടെയും സഹായം കൊണ്ടാണ് യുവതികള് നാട്ടില് തിരിച്ചെത്തിയത്. വരും ദിവസങ്ങളില് കേസുമായി ബന്ധപ്പെട്ട് കൂടുതല് പ്രതികള് അറസ്റ്റിലാകുമെന്നാണ് സൂചന.
