തിരുവനന്തപുരം: കറുത്ത കാര് ഉപയോഗിക്കില്ല എന്ന് താന് പറഞ്ഞിട്ടില്ലെന്ന് നിയുക്ത മുഖ്യമന്ത്രി വി ഡി സതീശന്. കറുത്ത കാറിന് എന്താണ് കുഴപ്പമെന്നും അദ്ദേഹം ചോദിച്ചു.
മുഖ്യമന്ത്രിക്ക് പുതിയ കാര് വാങ്ങിയാല് ഖജനാവ് ഇടിഞ്ഞൊന്നും വീഴില്ല.എന്നാല് മുഖ്യമന്ത്രി ഒരു കാര് വാങ്ങിയാല് നിലവിലെ സാമ്പത്തിക സാഹചര്യത്തില് അതൊരു തെറ്റായ സന്ദേശമാണെന്നും വി ഡി സതീശന് മാധ്യമങ്ങളോട് പറഞ്ഞു.
കറുത്ത കാര് ഉപയോഗിക്കില്ല എന്ന് താന് പറഞ്ഞതായി രണ്ടു മൂന്ന് ചാനലുകളില് കണ്ടു. എന്താണ് കറുത്ത കാറിന് കുഴപ്പം? എന്നിട്ട് ഇന്നലെ ഞാന് കറുത്ത കാറില് കയറി എന്ന് പറഞ്ഞു. അത് എന്റെ സ്വകാര്യ കാര് ആണ്. എന്റെ വണ്ടി കേടായപ്പോള് എടുത്തതാണ്- വി ഡി സതീശന് പറഞ്ഞു.
ഏത് വണ്ടിയാണ് ലഭ്യമാകുന്നത് എന്ന് വച്ചാല് ഞാന് അത് ഉപയോഗിക്കും. പതിനായിരം കിലോമീറ്ററോ ഒരു ലക്ഷം കിലോമീറ്ററോ ഓടിയ വണ്ടിയായാലും അത് ഉപയോഗിക്കും. തനിക്ക് അത് മതി. വലിയ ലാളിത്യമുള്ള ആളാണ് താന് എന്ന് അവകാശപ്പെടുകയല്ല. ഇത് നമ്മള് മുകളിലുള്ള ആളുകള്ക്ക് നല്കുന്ന സന്ദേശമാണ്- വി ഡി സതീശന് കുറ്റപ്പെടുത്തി.
ഫുള് വാഹനവ്യൂഹം വേണ്ട എന്ന് പറഞ്ഞിട്ടുണ്ട്.എസ്കോര്ട്ടും വേണ്ട എന്ന് പറഞ്ഞെങ്കിലും പൊലീസ് സമ്മതിച്ചില്ല. 30, 40 വാഹനങ്ങളും ആംബുലന്സും കൂടി റോഡില് ഇറങ്ങിയതിന് പിണറായിയെ കുറ്റപ്പെടുത്തിയതല്ല. ഇസഡ് പ്ലസ് കാറ്റഗറിയാണ് മുഖ്യമന്ത്രിക്ക്.തന്റെ പ്രായത്തിലുള്ള ഒരാള് മുഖ്യമന്ത്രിയായി ഇങ്ങനെ പോകുന്നത് കണ്ടാല് ഞാന് എന്തു ചിന്തിക്കുമെന്ന് ഞാന് വിചാരിച്ചു. എനിക്ക് ദേഷ്യം തോന്നും. നിരാശ തോന്നും. പുച്ഛവും തോന്നും. എനിക്ക് പരിഹസിക്കാനും തോന്നും. ഇത്രയും വണ്ടികളുമായി റോഡില് ഇറങ്ങി ബ്ലോക്കായാലോ. ബ്ലോക്ക് ഒരു മണിക്കൂറായാലോ. അത്യാവശ്യ കാര്യങ്ങള്ക്കായി പുറത്തു ഇറങ്ങുന്നവരല്ലേ. വഴിയില് നില്ക്കുന്ന ആളായി സങ്കല്പ്പിച്ച് നോക്കി. സമരവും തടയലുമൊക്കെ ഉള്ള സംസ്ഥാനമാണ് കേരളം. മന്ത്രിമാര്ക്കും മുഖ്യമന്ത്രിമാര്ക്കും സുരക്ഷ വേണം.തനിക്ക് മുന്പുള്ള ആളുകള് കൂടുതല് വാഹനം ഉപയോഗിച്ചതിന് തെറ്റ് പറയുകയല്ല. അവര് പല സന്നിഗ്ധ ഘട്ടങ്ങള് കയറി ആ സ്ഥാനത്ത് എത്തിയ ആളുകളാണ്. അവരുടെ ജീവിതത്തില് വെല്ലുവിളികളും പ്രതിസന്ധികളെല്ലാം ഉണ്ടായിട്ടുണ്ടെന്ന് സതീശന് ചൂണ്ടിക്കാട്ടി.
