തിരുവനന്തപുരം: മുഖ്യമന്ത്രിയും 20 മന്ത്രിമാരും തിങ്കളാഴ്ച രാവിലെ 10 മണിക്ക് സത്യപ്രതിജ്ഞ ചെയ്യും. സമ്പൂര്ണ മന്ത്രിസഭയാണ് സത്യപ്രതിജ്ഞ ചെയ്യുന്നതെന്ന് വി ഡി സതീശന് വ്യക്തമാക്കി.
അര്ഹതയുള്ള പല വ്യക്തികളെയും പല സമവാക്യങ്ങള് കണക്കിലെടുക്കുമ്പോള് പരിഗണിക്കാന് പറ്റിയിട്ടില്ല. അതില് സങ്കടമുണ്ടെന്ന് അദ്ദേഹം വാര്ത്താസമ്മേളനത്തില് പറഞ്ഞു.
രമേശ് ചെന്നിത്തല, പി കെ കുഞ്ഞാലിക്കുട്ടി, സണ്ണി ജോസഫ്, മോന്സ് ജോസഫ്, എ.പി.അനില്കുമാര്, കെ.മുരളീധരന്, കെ എം ഷാജി, പി.സി.വിഷ്ണുനാഥ്, എം.ലിജു, ടി.സിദ്ദിഖ്, ബിന്ദു കൃഷ്ണ, ഒ.ജെ.ജനീഷ്, റോജി എം. ജോണ്, കെ.എ.തുളസി, എന്. ഷംസുദീന്, വി.ഇ. അബ്ദുള് ഗഫൂര്, പി.കെ. ബഷീര്, സി.പി. ജോണ്, അനൂപ് ജേക്കബ്, ഷിബു ബേബി ജോണ് എന്നിവര് മന്ത്രിമാരാകും.
തിരുവഞ്ചൂര് രാധാകൃഷ്ണന് സ്പീക്കറാകും.ഷാനിമോള് ഉസ്മാന് ഡെപ്യൂട്ടി സ്പീക്കര്. ചീഫ് വിപ്പ് സ്ഥാനം കേരള കോണ്ഗ്രസിനാണെന്നും സതീശന് അറിയിച്ചു.
ഞായറാഴ്ച വൈകിട്ട് 5.15 ഓടെയാണ് വി ഡി സതീശന് ലോക ഭവനിലെത്തി ഗവര്ണര് രാജേന്ദ്ര വിസ്വനാഥ് ആര്ലേക്കര്ക്ക് മന്ത്രിമാരുടെ പട്ടിക കൈമാറിയത്.ഇതിന് ശേഷം വാര്ത്താ സമ്മേളനം നടത്തിയ ശേഷം സെന്ട്രല് സ്റ്റേഡിയത്തിലെത്തി സത്യപ്രതിജ്ഞാ ചടങ്ങിനുളള ഒരുക്കങ്ങള് വിലയിരുത്തി.
