തിരുവനന്തപുരം: കുമാരനാശാന്റെ ജന്മഗൃഹം നിലനിന്നിരുന്ന കായിക്കരയിലെ ഭൂമി സംരക്ഷിക്കാന് സംരക്ഷണ സമിതി രൂപീകരിച്ചു. കവി പിറന്ന മണ്ണ് നിയമ വിരുദ്ധമായി കൈയേറിയ അവിടെ മീന് ലേല ചന്ത തുടങ്ങുന്നതിന് വേണ്ടി മാമ്പള്ളി പള്ളിയുടെ നേതൃത്വത്തില് നടക്കുന്ന നീക്കങ്ങളെ തടഞ്ഞ് ആ മണ്ണ് വീണ്ടെടുക്കുക എന്നതാണ് ലക്ഷ്യം. ഇത് സംബന്ധിച്ച് ജന്മഭൂമിയാണ് വാര്ത്ത പുറത്തുകൊണ്ടു വന്നത്.
ഇന്നും കുമാരനാശാന്റെ ബന്ധുക്കളുടെ പേരിലാണ് ഈ ഭൂമിയുള്ളത്. പക്ഷെ ആരും അവകാശ വാദവുമായി വരാത്തതാണ് ഈ ഭൂമി കൈയേറാന് ഇടയായത്. തറവാടിന്റെ ഉടമസ്ഥാവകാശത്തിന്റെ നിജസ്ഥിതികള് പുറത്തുകൊണ്ടുവന്ന് മീന്ചന്ത ഒഴിവാക്കി അവിടെ കുമാരനാശാന് ഉചിതമായ സ്മൃതി മണ്ഡപം പണിയാനുള്ള നീക്കത്തിലാണ് കര്മസമിതി.
സാഹിത്യകാരന്മാരും, വിവിധ സാമുദായിക സംഘടനാ നേതാക്കളും, രാഷ്ട്രീയ പാര്ട്ടികളുടെ പ്രതിനിധികളും യോഗത്തില് പങ്കെടുത്തു.
അശോകന് കായിക്കരയുടെ അധ്യക്ഷതയില് ചേര്ന്ന യോഗത്തില് കടയ്ക്കാവൂര് അജയബോസ് ആമുഖ പ്രഭാഷണം നടത്തി. എസ്.ആര്. റെജികുമാര്, അജി എസ്.ആര്.എം, വക്കം രാധാകൃഷ്ണന്, വര്ക്കല ഗോപാലകൃഷ്ണന്, വിമല വിഹാര് ബാജു, ഗണേഷ് കുമാര്, കായിക്കര അംബീശന്, സുരേഷ്കുമാര്, അനഘരാജ് തുടങ്ങിയവര് സംസാരിച്ചു.
രക്ഷാധികാരികളായി വര്ക്കല ഗോപാലകൃഷ്ണന്, എസ്.ആര്. റെജികുമാര്, വഴയില ഉണ്ണി എന്നിവരെയും ചെയര്മാനായി ബ്ലോക്ക് പഞ്ചായത്ത് അംഗം വക്കം ജി. അജിത്തിനെയും ജനറല് കണ്വീനറായി സംവിധായകന് കടയ്ക്കാവൂര് അജയബോസിനെയും തെരഞ്ഞെടുത്തു. മറ്റ് ഭാരവാഹികളായി എസ്എന്ഡിപി ചിറയിന്കീഴ് യൂണിയന് സെക്രട്ടറി പെരുങ്കുഴി ശ്രീകുമാര്, എസ്എന്ഡിപി വര്ക്കല യൂണിയന് സെക്രട്ടറി അജി എസ്.ആര്.എം, എസ്എന്ഡിപി ആറ്റിങ്ങല് യൂണിയന് സെക്രട്ടറി ഗോകുല്ദാസ് (വൈസ് ചെര്മാന്മാര്), കവി അശോകന് കായിക്കര, ചലച്ചിത്ര പ്രവര്ത്തകന് ഷിബു കടയ്ക്കാവൂര് (വര്ക്കിങ് ചെയര്മാന്മാര്), കായിക്കര ബിപിന് ചന്ദ്രപാല്, അഞ്ചുതെങ്ങ് സജന്, സജിസുന്ദര്, എച്ച്. അജയകുമാര്, സരള കായിക്കര, യു. പ്രകാശ്, അഡ്വ.ലിജ, ഷിബു, അഡ്വ. മുകേഷ്കുമാര് ഗാന്ധി, വര്ക്കല വാവ, മിനില്കുമാര്, വിനോദ് കീഴാറ്റിങ്ങല് എന്നിവരെ സമിതി അംഗങ്ങളായും തെരഞ്ഞെടുത്തു.
