തിരുവനന്തപുരം: ആറ്റിങ്ങലില് ഭാര്യയെയും രണ്ടരവയസുള്ള കുഞ്ഞിനെയും ക്രൂരമായി മര്ദിച്ച യുവാവിനെതിരെ പൊലീസ് കേസെടുത്തു.അയിലം സ്വദേശി സജിക്കെതിരെയാണ് കേസെടുത്തത്.
കുഞ്ഞിന്റെ തല ചുമരിലിടിച്ചതായി പരാതിയില് പറയുന്നു. കഴിഞ്ഞ ബുധനാഴ്ചയാണ് സംഭവം ഉണ്ടായത്.
അയിലം നെല്ലിമൂട് സ്വദേശിയാണ് സജി. കഴിഞ്ഞ ബുധനാഴ്ച രാത്രി 11 ഓടെയാണ് വീട്ടിലെത്തി ഭാര്യയെയും കുഞ്ഞിനെയും ഉപദ്രവിച്ചത്.ഇവരുടെ വിവാഹം കഴിഞ്ഞിട്ട് നാല് വര്ഷമായെന്നും ഇക്കാലമത്രയും യുവതിയെ ഇയാള് പല കാരണങ്ങള് പറഞ്ഞ് ഉപദ്രവിച്ചിരുന്നതായും പരാതിയില് പറയുന്നു.സൗന്ദര്യം കുറഞ്ഞു, സ്ത്രീധനം കുറഞ്ഞു എന്നിങ്ങനെയാണ് കുറ്റപ്പെടുത്തല്.
കഴിഞ്ഞ ദിവസം വീട്ടിലെത്തിയ സജി അവിടെയുണ്ടായിരുന്ന വാളിന്റെ പിടി ഉപയോഗിച്ച് യുവതിയുടെ തലയ്ക്കും മുതുകിനും ഇടിച്ചു പരിക്കേല്പിച്ചുവെന്നാണ് പരാതിയില് പറയുന്നത്.കുഞ്ഞിനെ ഭിത്തിയിലേയ്ക്ക് വലിച്ചെറിഞ്ഞതിനെ തുടര്ന്ന് കുഞ്ഞിന്റെ തലയ്ക്ക് പരിക്കേറ്റു.
