കൊച്ചി: ലഹമരുന്ന് കേസന്വേഷത്തിനിടെ യുവതിയെ പീഡിപ്പിക്കാന് ശ്രമിച്ച കേസിലും ഡോക്ടറെ ഭീഷണിപ്പെടുത്തി പണം തട്ടുകയും ചെയ്ത കേസിലും പ്രതിയായ എളമക്കര സ്റ്റേഷനിലെ ഗ്രേഡ് എസ്ഐ എച്ച്. മുജീബ് കീഴടങ്ങി. രണ്ടാഴ്ചയായി ഒളിവില് കഴിയുകയായിരുന്നു ഇയാള്. ഇന്നലെ രാവിലെ കൊച്ചി എസിപിയുടെ ഓഫീസിലെത്തിയാണ് ഇയാള് കീഴടങ്ങിയത്.
രണ്ട് കേസുകളാണ് മുജീബിനെതിരെ പോലീസ് രജിസ്റ്റര് ചെയ്തിരിക്കുന്നത്. ലഹരിമരുന്ന് കേസിലെ പ്രതിയുടെ ഫോണില് നിന്ന് പരാതിക്കാരുടെ നമ്പര് കൈക്കലാക്കിയാണ് ഇയാള് ഭീഷണി തുടങ്ങിയത്. കൊല്ലം സ്വദേശനിയായ യുവതിയെ ഫോണിലൂടെ നിരന്തരം ബന്ധപ്പെട്ട മുജീബ് ലൈംഗിക ആവശ്യങ്ങള്ക്ക് നിര്ബന്ധിക്കുകയായിരുന്നു.
10 മാസത്തിലധികമായി ഭീഷണി തുടര്ന്നെന്നും യുവതിയുടെ പരാതിയില് ഉണ്ട്. ഇതിന് തയ്യാറാകാതിരുന്ന യുവതിയെ കേസില് പ്രതിയാക്കി ജയിലില് അടയ്ക്കുമെന്നും ഭീഷണിപ്പെടുത്തി. ഇതോടെയാണ് യുവതി പരാതി നല്കുന്നത്.
പത്തനംതിട്ട സ്വദേശിയായ ഡോക്ടറെ ലഹരിക്കേസില് ഉള്പ്പെടുത്തുമെന്ന് ഭീഷണിപ്പെടുത്തി 1.5 ലക്ഷം രൂപയാണ് മുജീബ് തട്ടിയെടുത്തത്. ഇതിലും ഡോക്ടര് പരാതി നല്കിയിരുന്നു. മുജീബിനെതിരായ പ്രാഥമികാന്വേഷണ രിപ്പോര്ട്ടില് ആരോപണങ്ങള് ശരിവച്ചതിനെ തുടര്ന്ന് ഇയാളെ സിറ്റി പോലീസ് കമ്മിഷണര് കാളിരാജ് മഹേഷ്കുമാര് സസ്പെന്ഡ് ചെയ്തിരുന്നു. പോലീസ് അന്വേഷണം ശക്തമാക്കിയതോടെയാണ് കീഴടങ്ങല്. ഇയാള്ക്കെതിരെ സമാന പരാതിയുണ്ടോ എന്നും അന്വേഷിക്കുന്നുണ്ട്. ഇതിനിടെ പോലീസുദ്യോഗസ്ഥനെ പിരിച്ചുവിടണമെന്ന ആവശ്യം സേനക്കുള്ളില് തന്നെ ശക്തമാണ്. സേനക്ക് കളങ്കം ഉണ്ടാക്കുന്ന ഇത്തരം പ്രവര്ത്തികള് അനുവദിക്കില്ലെന്നും സിറ്റി പോലീസ് കമ്മിഷണര് പറഞ്ഞു. വിശദമായ ചോദ്യം ചെയ്യലിന് ശേഷം ഇയാളെ കോടതിയില് ഹാജരാക്കി റിമാന്ഡ് ചെയ്തു.
