ആലപ്പുഴ :സിപിഎം നേതാവ് എ എം ആരിഫിന് മുസ്ലിം ലീഗിന്റെ സ്വരമാണെന്ന് എസ് എന്‍ ഡി പി യോഗം ജനറല്‍ വെള്ളാപ്പള്ളി നടേശന്‍.എ എം ആരിഫ് സിപിഎമ്മില്‍ നിന്ന് ചാടാന്‍ നില്‍ക്കുകയാണ്. ചാടാതിരിക്കാനാണ് സീറ്റ് നല്‍കിയത്.എല്ലാം കിട്ടിയിട്ടും തൃപ്തനല്ല.
ജയിക്കാന്‍ വേണ്ടി തന്റെ വീട്ടില്‍ വന്നിട്ടാണ് തന്നെ കുറ്റം പറയുന്നതെന്നും വെള്ളാപ്പള്ളി നടേശന്‍ പറഞ്ഞു.വെള്ളാപ്പള്ളി നടേശന്റെ വര്‍ഗീയ പരാമര്‍ശങ്ങളെ ചെറുക്കാന്‍ കഴിയാത്തത് തെരഞ്ഞെടുപ്പില്‍ സിപിഎമ്മിന് തിരിച്ചടിയായെന്ന് എ എം ആരിഫ് പറഞ്ഞതിനോട് പ്രതികരിക്കുകയായിരുന്നു എസ്എന്‍ ഡി പി യോഗം ജനറല്‍ സെക്രട്ടറി.
താന്‍ കാരണമാണ് സിപിഎം തോറ്റത് എന്നൊരു ചര്‍ച്ച എവിടെയും ഇല്ല. സിപിഐയിലും സിപഎമ്മിലും അങ്ങനെ ഒരു ചര്‍ച്ച നടന്നിട്ടില്ല. തന്നെയും തന്റെ സമുദായത്തെയും അപകീര്‍ത്തിപ്പെടുത്താന്‍ ചിലര്‍ നടത്തുന്ന പ്രചരണമാണിതെന്നും വെള്ളാപ്പള്ളി വ്യക്തമാക്കി.
പത്ത് വര്‍ഷം ഭരിച്ച പിണറായി വിജയനെ ഈ പരുവത്തിലെത്തിച്ചത് മാധ്യമങ്ങളാണെന്നും വെളളാപ്പളളി പറഞ്ഞു. അദ്ദേഹത്തെ വേട്ടയാടി.ഇഷ്ട്മല്ലത്ത അച്ചി തൊടുന്നതെല്ലാം കുറ്റം . എന്നെ വണ്ടിയില്‍ കയറ്റിയാല്‍ കുറ്റം, ഇറക്കിയാല്‍ കുറ്റം. പല നല്ലകാര്യങ്ങളും ചെയ്തു, അത് ജനം അനുഭവിക്കുന്നുണ്ട്. പ്രതിപക്ഷനേതാവാകാന്‍ സാധ്യത പിണറായി വിജയനാണ്. നല്ല ഭരണം കാഴ്ചവയ്‌ക്കാന്‍ യുഡിഎഫിന് സാധിക്കട്ടെ. മുഖ്യമന്ത്രി പ്രഖ്യാപനം ഉടന്‍ തന്നെ പ്രതീക്ഷിക്കുന്നുവെന്നും മുഖ്യമന്ത്രി ആകുന്നത് ആരാണെങ്കിലും സ്വീകരിക്കുമെന്നും വെള്ളാപ്പളളി പറഞ്ഞു.
