കൊല്ക്കത്ത: ബംഗാള് നിയമസഭാ തെരഞ്ഞെടുപ്പില് വന് വിജയം കരസ്ഥമാക്കി ബിജെപിയുടെ സുവേന്ദു അധികാരി മുഖ്യമന്ത്രിയായി സത്യപ്രതിജ്ഞ ചെയ്തതിന് പിന്നാലെ തോല്വി അംഗീകരിച്ച് മുന് മുഖ്യമന്ത്രി മമതാ ബാനര്ജി. പരാജയം പൂര്ണമായി സമ്മതിച്ച മമത സോഷ്യല് മീഡിയ പ്ലാറ്റ്ഫോമായ എക്സിലെ ബയോയിലെ ബംഗാള് മുഖ്യമന്ത്രി എന്ന പദവി നീക്കം ചെയ്തു.
പകരം തൃണമൂല് കോണ്ഗ്രസ് സ്ഥാപക എന്നാണ് തന്റെ പ്രൊഫൈലില് പുതുതായി രേഖപ്പെടുത്തിയിരിക്കുന്നത്. ഇതോടൊപ്പം 15,16,17 സഭകളിലെ മുഖ്യമന്ത്രിയായിരുന്നെന്നും രേഖപ്പെടുത്തിയിട്ടുണ്ട്. സാധാരണഗതിയില് ഇത്തരം അവസരങ്ങളില് മുന് മുഖ്യമന്ത്രി എന്ന് ചേര്ക്കാറുണ്ടെങ്കിലും ഇതും മമത ഒഴിവാക്കിയിരിക്കുകയാണ്. ഇനി തൃണമൂല് കോണ്ഗ്രസ് സ്ഥാപക എന്ന് മാത്രം അറിയപ്പെടാനാണ് മമത ബാനര്ജിയുടെ തീരുമാനം.
തെരഞ്ഞെടുപ്പ് ഫലം പുറത്തുവന്നതിന് പിന്നാലെ ആദ്യഘട്ടത്തില് പരാജയം അംഗീകരിക്കാന് കൂട്ടാക്കാതിരുന്ന മമത ഇലക്ഷന് കമ്മീഷനെയും കേന്ദ്ര ഏജന്സികളെയും കുറ്റപ്പെടുത്തിക്കൊണ്ട്, ഞാന് തോറ്റിട്ടില്ല, ഞങ്ങള് പോരാടും, എന്നായിരുന്നു നിലപാട് സ്വീകരിച്ചിരുന്നത്. എന്നാല് ഗവര്ണര് കഴിഞ്ഞ ദിവസം നിയമസഭ പിരിച്ചു വിട്ടു. ഇതിന് ശേഷവും ഇവര് പ്രതിഷേധവുമായി രംഗത്ത് വന്നെങ്കിലും ഇന്നലെ തോല്വി പൂര്ണമായും അംഗീകരിക്കുകയായിരുന്നു.
