കൊല്ക്കത്ത: മകന് മുഖ്യമന്ത്രിയായി ചുമതലയേറ്റതില് ബംഗാളിലെ ജനങ്ങള് തന്നേക്കാള് സന്തോഷിക്കുന്നുണ്ടെന്ന് സുവേന്ദു അധികാരിയുടെ അമ്മ ഗായത്രി അധികാരി. മകന് മുഖ്യമന്ത്രിയായതില് അഭിമാനം പ്രകടിപ്പിച്ച ഗായത്രി, ആര്ജി കര് മെഡിക്കല് കോളജ് ഇരയ്ക്ക് തന്റെ മകന് നീതി ഉറപ്പാണമെന്ന് എടുത്തുപറഞ്ഞു.
‘ആര്ജി കര് ഇരയ്ക്കും അതിക്രമങ്ങള് നേരിട്ട മറ്റെല്ലാവര്ക്കും നീതി ലഭ്യമാക്കുന്നതിനായി പ്രവര്ത്തിക്കാന് ഞാന് അവനോട് ആവശ്യപ്പെടും’ ഗായത്രി പറഞ്ഞു. ബംഗാള് മുഖ്യമന്ത്രിയായി സുവേന്ദു അധികാരി ചുമതലയേറ്റ ശേഷം മാധ്യമങ്ങളോട് സംസാരിക്കുകയായിരുന്നു അമ്മ ഗായത്രി അധികാരി. മകന്റെ സത്യപ്രതിജ്ഞാ ചടങ്ങ് അവര് ടിവിയില് കണ്ടു. അവരുടെ മകന് ഇപ്പോള് ബംഗാള് മുഖ്യമന്ത്രിയാണ്. സുവേന്ദുവിന്റെ വിജയ സൂചകമായി വീട്ടിലെ താമരപ്പൂക്കള് വിരിഞ്ഞ വിവരം സന്തോഷത്തോടെ ഗായത്രി മാധ്യമങ്ങളോട് പറഞ്ഞു.
കഴിഞ്ഞ അഞ്ച് വര്ഷമായി തന്റെ മകന് ടിഎംസിക്കെതിരെ അക്ഷീണം പോരാടിയെന്ന് പറഞ്ഞ ഗായത്രി, മൂന്നോ നാലോ തവണ ടിഎംസിയുടെ ആക്രമണത്തിന് സുവേന്ദു ഇരയായിട്ടുണ്ടെന്നും വെളിപ്പെടുത്തി.
‘എനിക്ക് വളരെ സന്തോഷമുണ്ട്, പക്ഷേ ബംഗാളിലെ ജനങ്ങള് ഇപ്പോള് കൂടുതല് സന്തുഷ്ടരാണ്,’ ഗായത്രി പറഞ്ഞു. ‘അവന് അവന്റെ അച്ഛനില് നിന്ന് പോരാട്ടവീര്യം ഉള്ക്കൊണ്ടാണ് ഇന്നത്തെ നിലയിലേക്ക് എത്തിയത്; അവന്റെ അച്ഛനും ഇങ്ങനെയാണ്. സുവേന്ദു അധികാരിയുടെ അച്ഛന് ശിശിര് അധികാരി, കാന്തി ലോക്സഭാ മണ്ഡലത്തില് നിന്ന് മൂന്ന് തവണ ടിഎംസി എംപിയായിരുന്നു.
