കോഴിക്കോട് : മുഖ്യമന്ത്രി സ്ഥാനത്തേക്ക് സമസ്ത കാന്തപുരം വിഭാഗത്തിന്റെ പിന്തുണ കെ സി വേണുഗോപാലിന്.കെ സി വേണുഗോപാലിനെ പിന്തുണച്ച് സമസ്ത കാന്തപുരം വിഭാഗം ഹൈക്കമാന്റിന് കത്തയച്ചു.
മുഖ്യമന്ത്രിയായി കെ.സി വേണുഗോപാല് വരുന്നതില് തെറ്റില്ലെന്ന് കാന്തപുരത്തിന്റെ മകന് അബ്ദുള് ഹക്കീം അസ്ഹരി പറഞ്ഞു.കെ.സി വേണുഗോപാല് ദേശീയതലത്തില് പാര്ട്ടിയെ നയിക്കുന്ന നേതാവ് ആണെന്ന് അദ്ദേഹം പറഞ്ഞു. ഭാരത് ജോഡോ യാത്രയില് ഉള്പ്പെടെ കെ സി വേണുഗോപാലിന്റെ നേതൃപാടവം ചൂണ്ടിക്കാട്ടിയാണ് സമസ്ത കാന്തപുരം വിഭാഗം പിന്തുണ അറിയിച്ചത്. മുഖ്യമന്ത്രി ആരാകണമെന്ന് ഒന്നുകില് മൂന്ന് നേതാക്കളും കൂടിയാലോചിച്ച് തീരുമാനിക്കണം. അല്ലെങ്കില് ആരാകണമെന്ന് ഹൈക്കമാന്ഡ് നിശ്ചയിക്കട്ടെ എന്നും കാന്തപുരത്തിന്റെ മകന് അബ്ദുള് ഹക്കീം അസ്ഹരി പറഞ്ഞു.
മുഖ്യമന്ത്രി സ്ഥാനത്തേക്ക് കെ സി വേണുഗോപാലിന് പുറമെ വി ഡി സതീശന്, രമേശ് ചെന്നിത്തല എന്നിവരാണ് അവകാശവാദവുമായി രംഗത്തുളളത്. നിലവില് കൂടുതല് എംഎല്എമാരുടെ പിന്തുണ കെ സി വേണുഗോപാലിനാണ്. എം.എല്.എമാരുടെ അഭിപ്രായവും ഘടകകക്ഷികളുടെ താല്പ്പര്യവും കണക്കിലെടുത്തുളള എഐസിസി നിരീക്ഷകരുടെ റിപ്പോര്ട്ടിന്റെ അടിസ്ഥാനത്തിലാണ് ദല്ഹിയില് ചര്ച്ചകള് നടക്കുന്നത്. ഇതിനിടെ നേതാക്കള്ക്കായി പ്രവര്ത്തകര് തെരുവില് ചേരിതിരിഞ്ഞ് പ്രകടനങ്ങളും നടത്തിവരികയാണ്.
