പ്രവാസ ലോകത്ത് സോഷ്യൽ മീഡിയയിൽ എന്തും പോസ്റ്റാമെന്ന് കരുതുന്നവരോട് ; നിങ്ങളെ കാത്തിരിക്കുന്നത് തടവും പിഴയും !

മസ്ക്കറ്റ് : രാജ്യത്തെ സാമൂഹിക മാധ്യമങ്ങൾ ദുരുപയോഗം ചെയ്യുന്നവർക്ക് തടവ്, പിഴ തുടങ്ങിയ ശിക്ഷാ നടപടികൾ നേരിടേണ്ടിവരുമെന്ന് ഒമാൻ പബ്ലിക് പ്രോസിക്യൂഷൻ മുന്നറിയിപ്പ് നൽകി. മെയ് 5-നാണ് ഒമാൻ പബ്ലിക് പ്രോസിക്യൂഷൻ ഇത് സംബന്ധിച്ച അറിയിപ്പ് നൽകിയത്.

സമൂഹത്തെയോ, സ്‌കൂൾ സമൂഹത്തിലെ വ്യക്തികളെയോ ലക്ഷ്യമിട്ടുള്ള ഭീഷണിപ്പെടുത്തൽ, അപകീർത്തിപ്പെടുത്തൽ, കിംവദന്തികൾ പ്രചരിപ്പിക്കൽ തുടങ്ങിയ പ്രവർത്തകർക്കായി സാമൂഹിക മാധ്യമങ്ങൾ, മറ്റുള്ളവ ഡിജിറ്റൽ സംവിധാനങ്ങൾ എന്നിവ ദുരുപയോഗം ചെയ്യുന്നത് ശിക്ഷ ലഭിക്കാവുന്ന കുറ്റകൃത്യമാണെന്ന് ഒമാൻ പബ്ലിക് പ്രോസിക്യൂഷൻ ഓർമ്മപ്പെടുത്തി. ‘മിസിംഗ് ലിങ്ക്’ എന്ന പേരിൽ ഒരു ബോധവൽക്കരണ പ്രചാരണ പരിപാടിയുടെ ഭാഗമായാണ് ഒമാൻ പബ്ലിക് പ്രോസിക്യൂഷൻ ഇക്കാര്യം അറിയിച്ചത്.

സ്‌കൂൾ വിദ്യാഭ്യാസ നിയമത്തിലെ ആർട്ടിക്കിൾ ’48/ഇ’ അനുസരിച്ച്, സമൂഹത്തെയോ, വിദ്യാർത്ഥികളും ഉദ്യോഗാർത്ഥികളും മറ്റ് സ്‌കൂൾ സമൂഹത്തിലെ അംഗങ്ങളെയോ ലക്ഷ്യം വച്ചുള്ളതാണ് കുറ്റകൃത്യങ്ങൾക്ക് 30 ദിവസം വരെ തടവും 3,000 റിയാൽ പിഴയും ശിക്ഷയായി ലഭിക്കുമെന്ന് പബ്ലിക് പ്രോസിക്യൂഷൻ അറിയിച്ചിട്ടുണ്ട്. സമ്മതമില്ലാതെ ചിത്രങ്ങൾ, ഓഡിയോ അല്ലെങ്കിൽ വീഡിയോ റെക്കോർഡിംഗുകൾ എടുക്കുകയോ പ്രസിദ്ധീകരിക്കുകയോ ചെയ്യുക വിവരസാങ്കേതികവിദ്യ ഉപയോഗിക്കുന്നത് ക്രിമിനൽ കുറ്റമാണെന്ന് പബ്ലിക് പ്രോസിക്യൂഷൻ ചേർത്തു.

ഓൺലൈൻ അപവാദം, അപകീർത്തിപ്പെടുത്തൽ എന്നിവയുൾപ്പെടെയുള്ള ഇത്തരം ലംഘനങ്ങൾക്ക് സൈബർ കുറ്റകൃത്യങ്ങൾ തടയുന്നതിനുള്ള നിയമത്തിലെ ആർട്ടിക്കിൾ ’16’ പ്രകാരം മൂന്ന് വർഷം വരെ തടവ് 5,000 റിയാൽ പിഴയും അല്ലെങ്കിൽ പിഴയും ലഭിക്കാവുന്നതാണ്.