ലണ്ടന്: ഇംഗ്ലണ്ട് വനിതാ ഫുട്ബോള് ലീഗില് പത്ത് വര്ഷത്തെ ഇടവേളയ്ക്ക് ശേഷം മാഞ്ചസ്റ്റര് സിറ്റി ജേതാക്കളായി. പോയിന്റ് നിലയില് മുന്നിലുള്ള സിറ്റിയെ മറികടക്കാന് സാധ്യതയുണ്ടായിരുന്ന ആഴ്സണല് ഇന്നലെ നിര്ണായക മത്സരത്തില് സമനില വഴങ്ങിയതോടെയാണ് സിറ്റി കിരീടം ഉറപ്പിച്ചത്. ബ്രൈറ്റണ് ആന്ഡ് ഹോവ് ആല്ബിയോണുമായി നടന്ന ആഴ്സണല് വനിതകളുടെ മത്സരം 1-1ല് കലാശിക്കുകയായിരുന്നു.
ഇതോടെ ലീഗില് 19 മത്സരങ്ങളില് നിന്ന് ആഴ്സണല് 42 പോയിന്റിലെത്തി. ഇനി അവശേഷിക്കുന്ന മൂന്ന് മത്സരങ്ങളില് നിന്ന് ഇവര്ക്ക് പരമാവധി 51 പോയിന്റേ നേടാനാകൂ. 21 മത്സരങ്ങള് പൂര്ത്തിയാക്കിയ സിറ്റിക്ക് നിലവില് 52 പോയിന്റുണ്ട്.
ഇംഗ്ലീഷ് ഫുട്ബോളിലെ പുരുഷ ലീഗിലും ഇക്കുറി സിറ്റി-ആഴ്സണല് പോരാട്ടമാണ് മുന്നേറിക്കൊണ്ടിരിക്കുന്നത്. ഫോട്ടോഫിനിഷിലേക്ക് പോകുന്ന വിധത്തിലാണ് അവസാനത്തോടടുക്കുമ്പോള് മത്സരങ്ങള് നീങ്ങിക്കൊണ്ടിരിക്കുന്നത്.
