തിരുവനന്തപുരം: മുഖ്യമന്ത്രിയാകാന് എംഎല്എമാരുടെ പിന്തുണയില് പ്രതീക്ഷയര്പ്പിച്ച് കെ സി വേണുഗോപാല്.50 എം എല് എമാരുടെ പിന്തുണയുണ്ടെന്നാണ് കെ സി പക്ഷം അവകാശപ്പെടുന്നത്.
എന്നാല് മുന്നണിയെ ചരിത്ര വിജയത്തിലേക്ക് നയിച്ച തന്നെ മുഖ്യമന്ത്രി സ്ഥാനത്തേക്ക് പരിഗണിക്കുമെന്നാണ് വി ഡി സതീശന്റെ പ്രതീക്ഷ.ഘടകകക്ഷിയായ മുസ്ലീം ലീഗ് സതീശനോടുളള താത്പര്യം പരോക്ഷമായി പ്രകടിപ്പിച്ചിട്ടുണ്ട്. ഇതും ഗുണമാകുമെന്നാണ് കരുതുന്നത്.
അതേസമയം, സീനിയോറിറ്റി പരിഗണിക്കണമെന്നാണ് രമേശ് ചെന്നിത്തല ആവശ്യപ്പെടുന്നത്.
അതിനിടെ, സണ്ണി ജോസഫ്,തിരുവഞ്ചൂര് രാധാകൃഷ്ണന്, കെ.മുരളീധരന്, എന്.ശക്തന് എന്നീ മുതിര്ന്ന നേതാക്കളെ ക്യാബിനറ്റിലേക്ക് പരിഗണിക്കുമെന്നാണ് സൂചന. കെപിസിസി വര്ക്കിംഗ് പ്രസിഡന്റുമാരായ പി സി വിഷ്ണുനാഥ്, എ.പി അനില്കുമാര് എന്നിവരും മന്ത്രിമാരായേക്കും. കോട്ടയത്തുനിന്ന് ചാണ്ടി ഉമ്മനും എറണാകുളത്തുനിന്ന് മാത്യു കുഴല്നാടനും സാധ്യത. ലത്തീന് പ്രതിനിധിയായി ടി.ജെ വിനോദോ എം.വിന്സെന്റോ മന്ത്രിയാകും. വനിതാ നേതാക്കളില് ബിന്ദു കൃഷ്ണയും ഷാനിമോള് ഉസ്മാനും സാധ്യതാ പട്ടികയില് ഉണ്ട്. ടി.സിദ്ദിഖിനും എം ലിജുവിനും സാധ്യത യുണ്ട്.
മുസ്ലീംലീഗിന് 5 മന്ത്രി സ്ഥാനവും ഒരു ക്യാബിനറ്റ് പദവിയും ലഭിച്ചേക്കും. കെഎം ഷാജി,എന് ഷംസുദ്ദീന്, പാറക്കല് അബ്ദുള്ള,കല്ലട്ര മായിന്ഹാജി, ആബിദ് ഹുസൈന് തങ്ങള് എന്നിവര്ക്കാണ് സാധ്യത.പി കെ കുഞ്ഞാലികുട്ടി ഉപമുഖ്യ മന്ത്രിയാകാനും സാധ്യത.
