തിരുവനന്തപുരം: എല് ഡി എഫിന്റെ ദയനീയ പരാജയത്തിന് പിന്നാലെ പിണറായി വിജയന് പ്രതിപക്ഷ നേതാവാകില്ലെന്ന വിലയിരുത്തലാണുളളത്.ആരാകും പ്രതിപക്ഷ നേതാവ് എന്ന ചര്ച്ചകളാണ് സാമൂഹിക മാധ്യമങ്ങളില് ഉള്പ്പടെ നടക്കുന്നത്.
കോണ്ഗ്രസിന്റെ മുഖ്യമന്ത്രി ചര്ച്ചകള് മേയ് നാലോടെ അവസാനിക്കുമെന്നായിരുന്നു നേരത്തെ സിപിഎം സംസ്ഥാന സെക്രട്ടറി എംവി ഗോവിന്ദന് മാധ്യമങ്ങളോട് പറഞ്ഞത്. അതിനെ പരിഹസിച്ചാണ് യുഡിഎഫ് സൈബര് ഗ്രൂപ്പുകളില് ആരാകും പ്രതിപക്ഷ നേതാവ് എന്ന ചര്ച്ചയ്ക്ക് തുടക്കമിട്ടത്.
പിണറായി പ്രതിപക്ഷ നേതാവായില്ലെങ്കില് പിന്നീട് ആ സ്ഥാനത്തേക്ക് എത്താന് ഏറ്റവും കൂടുതല് സാധ്യത കേന്ദ്ര കമ്മിറ്റി അംഗമായ കെഎന് ബാലഗോപാലിന് ആണ്. മുഖ്യമന്ത്രിക്ക് പുറമേ ഇക്കുറി വിജയിച്ച ഏക കേന്ദ്ര കമ്മിറ്റി അംഗം ബാലഗോപാലാണ്. പ്രമുഖ നേതാക്കള് എല്ലാം യുഡിഎഫ് തരംഗത്തില് വീണു പോയ സാഹചര്യത്തില് ആണ് ബാലഗോപാലിലേക്ക് ചര്ച്ചകള് നീളുന്നത്.
ബാലഗോപാല് അസൗകര്യം പ്രകടിപ്പിച്ചാല് സംസ്ഥാന സെക്രട്ടേറിയറ്റ് അംഗങ്ങളായ സജി ചെറിയാന്,പിഎ മുഹമ്മദ് റിയാസ് എന്നിവരെ ആകും പരിഗണിക്കുക.ഇതില് സജി ചെറിയാനാണ് പാര്ട്ടിയില് സീനിയര്.
