കൊച്ചി ; മുസ്ലീം ലീഗിനെ അധികാരത്തിൽ നിന്ന് മാറ്റി നിർത്തണമെന്ന് ഹിന്ദു ഐക്യവേദി നേതാവ് കെ പി ശശികല ടീച്ചർ. ഒരിക്കൽ ഇ കെ നായനാർ ആന്റണി കോൺഗ്രസിന്റെ സഹായത്തോടെ ലീഗിനെ മാറ്റി നിർത്തി ഭരിച്ച കാര്യവും ശശികല ടീച്ചർ ഫേസ്ബുക്ക് പോസ്റ്റിൽ ഓർമ്മിപ്പിച്ചു.
ഇന്നത്തെ സാഹചര്യത്തിൽ ഇവിടുത്തെ മുഖ്യധാര പാർട്ടികൾ പൊളിറ്റിക്കൽ ഇസ്ലാമിനെ അധികാരത്തിൽ നിന്ന് മാറ്റി നിർത്താൻ തയ്യാറാകണം . അന്ന് രാഷ്ട്രീയ പാർട്ടികൾ കാണിച്ച നിലപാട് ഇന്നും കേരളത്തിലെ പാർട്ടികൾ ചെയ്യാൻ തയ്യാറാകണം . അങ്ങനെയായാൽ മാറാട് മതഭീകരതയിൽ ജീവൻ നഷ്ടമായവർക്ക് ലഭിക്കുന്ന ശ്രദ്ധാഞ്ജലി ആകുമെന്നും ശശികല ടീച്ചർ പറഞ്ഞു .
