ബാഴ്സയ്ക്കായി ഗോള് നേടിയ റോബര്ട്ട് ലെവന്ഡോവ്സ്കിയുടെ ആഹ്ലാദം
പാംപ്ലോന: ഒസാസുനയ്ക്കെതിരായ ജയത്തിലൂടെ ബാഴ്സിലോണ എഫ്സി സ്പാനിഷ് ലാലിഗ കിരീട തുടര്ച്ചയ്ക്കായുള്ള ഫിനിഷിങ് ലൈനില് എത്തി. ലീഗിന്റെ 34-ാം റൗണ്ട് മത്സരങ്ങള് പുരോഗമിച്ചുകൊണ്ടിരിക്കുകയാണ്. പോയിന്റ് പട്ടികയില് തൊട്ടുതാഴെയുള്ള ബാഴ്സയ്ക്ക് തൊട്ടുതാഴെയുള്ള റയലിന്റെ മത്സരത്തെ ആശ്രയിച്ചായിരിക്കും കിരീട നിര്ണയം. റയല് ജയിച്ചാല് ബാഴ്സയ്ക്ക് ഒരു ജയത്തിന് വേണ്ടി കൂടി കാക്കേണ്ടിവരും.
ഓസാസുനയുടെ ഹോം ഗ്രൗണ്ടില് നടന്ന മത്സരത്തില് അടിമുടി ബാഴ്സയാണ് നിറഞ്ഞു നിന്നത്. പക്ഷെ 2-1ന് അവസാനിച്ച മത്സരത്തിലെ ഗോളുകളെല്ലാം വീണത് 80 മിനിറ്റുകള്ക്ക് ശേഷം. എതിരാളികള്ക്ക് ഒരു പഴുതു പോലും നല്കാതെയാണ് സൂപ്പര് താരം ലാമിനെ യമാലിന്റെ അഭാവത്തിലും ബാഴ്സ താരങ്ങള് കളംനിറഞ്ഞത്. 81-ാം മിനിറ്റില് മാര്കസ് റാഷ്ഫോര്ഡ് നല്കിയൊരു ഉജ്ജ്വല ക്രോസിനെ ഹെഡ്ഡറിലൂടെ സൂപ്പര് സ്ട്രൈക്കര് റോബര്ട്ട് ലെവന്ഡോവ്സ്കി ഗോളാക്കി. അഞ്ച് മിനിറ്റിനകം ലഭിച്ചൊരു കൗണ്ടര് അറ്റാക്കില് ഫിര്മിനോ ലോപ്പസില് നിന്ന് പന്ത് സ്വീകരിച്ച ഫെറാന് ടോറസ് പന്ത് ഓസാസൂന പന്ത് വലയ്ക്കകത്തെത്തിച്ച് ലീഡ് 2-0 ആയി ഉയര്ത്തി. 88-ാം മിനിറ്റില് ഇടത് ഭാഗത്ത് നിന്നുള്ളൊരു ക്രോസിനെ മികച്ചൊരു ഹെഡ്ഡറിലൂടെ റൗള് ഗാര്ഷ്യ ഒസാസുനയുടെ ആശ്വാസ ഗോള് കണ്ടെത്തി.
